حركات بنتي الله يحفظها طمنوني

بنات بنتي عمرها ثمان اشهر
وعندها حركات غريبه من يوم كان عمرها اربعه شهور تقريبا تسويها بس بخفه والحين زادت مع تقدم العمر

حركاتها بسم الله عليها انها تشد نفسها بقوه
يعني يوم اكون شايلتها بيدي تثني راسها ورقبتها ع ورى
وتشد رجولها بقوه
فجاه وانا شايلتها مادري الا وهي شاده نفسها ولو ماامسكها تطيح
لو بشيلها احد غريب غير اقلهم انتبهو
كنت ببداية شهورها اقول عادي يمكن بسبب المغص وكذا
بس الحين بسم الله عليها تزحف وتتحرك يعني قادره تخرج وماتسبب لها الغازات هذي الحركات
حتى يوم عمتي شالتها سوت هالحركات ام زوجي استغربت منها قالت بسم الله وشفيها كذا
البعض ممكن يشوف هالشي زين
بس انا بصراحه خايفه لان حركاتها مو طبيعيه
كنها بترمي نفسها مني بدون ماتخاف
بالعاده الاطفال اذا احد شالهم يهدون بنتي لا
تقعد تخبط بنفسها خصوصا اذا حملتها
بطريقة انها (تكون منسدحه ويدي تحت ركبتها
وكتوفها )تقعد تشد براسها ع تحت وتشد رجولها
ولاجات بتنام ترطش براسها بالارض امس رطشت
براسها عالفراش وربي سمعت انفها طق
وانصرعت من الصياح
وترفس ماتبيني اشيلها
هالحركات تسويها لاجات بتنام
وتسويها لما تكون منسجمه بشي واشيلها
ومره كانت تزحف ولفت نفسها ورطشت براسها بالسيراميك
وانصرعت مابغت ترد الروح
حركاتها الله يحفظها مخوفتني عليها
احيان اقول لايكون ظهرها فيه شي او رقبتها
اخاف عليها عشان ابوها يشيلها ويرميها فوق ويمسكها
واحيان لما تكون بالعربيه ادفها عني بقوه
وراسها يهتز اخاف ضريتها
وكانت تمرض وتزكم والحين عندها التهاب
وبفترة تسنين واعطيها مضادات طبعا كل شي بنظام
وقبل كم يوم اعطيتها مضاد 1ملم من كلافوكس
ومو مكتوب للرضع بس للاطفال من سنتين وفوق
وللكبار بس الصيدلي قال عادي اعطيها جرعه اقل
وبعد ماعطيتها صارت بس تلف رقبتها يمين يسار
وتناظر بالسقف ومره خفت عليها
احد بستخدم هذا المضاد؟؟!

الكل يقلي ليش بنتك كذا
مو عاجبتهم ابد
الله يحفظها طمنوني تراها وحيدتي
في احد عنده بنت كذا حركاتها
وليش تسوي كذا يعني يحتاج اوديها لدكتور
وايش المطلوب اسويه عشان اطمن عليها
ممكن البعض يقول مويس تتحرك وكذا
ترا مو كل حركه يعني زينه اخاف تكون
بسبب شي
مو عارفه كيف افهمكم بس ان شاء الله
تكونو فهمتوني

انتظر ردودكم هل هذا الشي طبيعي
وهل فيه اطفال كذا وطبيعيين
كل ماقول لابوها بنوديها المستشفى
يقول انتي بتمرضين البنت مافيها شي

الله يحفظها ويوريني فيها الصحه والعافيه
قولو امين

ساعدوني ردو ع كل اسئلتي
ادري طولت عليكم بس غصبن عني
عشان تفهمون وش اعني بالضبط
وشكرا لكم