حركات رومانسية زووووووووعه .. وكوووووووووول

طبعا هذي الأفكار اللي بقولها لكم الحين انه سويتها يعني عن تجربه وزوجي استانس واااااااااااااايد منها بفوق ما تتصورون ...

طبعا معللللش يعني راح أقط اشويه قطات ... بس كلنا كبار وحريم تقريبا والبنات انشالله كلهم على وشط زواج ... فانشالله الكل راح يستفيد ...

انه صارلي سنه متزوجه ... وبعيد زواجنا الأول ... رحت شريت لي قمصان نوم اللي زوجي يحبها ... طبعا كل وحده تختارلها او تروح تشتري لها القميص النوم أو الخامه ( يعني نوع القماش ) اللي تعجب زوجها ... مثلا عندكم ... الجلد او التايغر <--- tigger أو الشيفونات ... أو الحراير ... ولالالالالالالا تنسين أهم شي تختارين اللون اللي يحبه زوجج وخليه يكون لون اسبيشل غييييير عن ملابس النوم اللي عندج ... يعني خليه يكون لون يحبه مثلا او على ذوقج بس انه يستانس عليه زوجج ....



وثاني شي فكري بعد القميص النوم اللي شريته ... بالتسريحه اللي تناسب لبسج ... طبعا كل وحده على حسب لبسها ... وتقدرين تحطينلج اكسسوارات خفيفة و بسيطه بشعرج ... بحيث انه ما تضايقج بالنوم ... أو تحطين ورد جوري صغير اللي يسمونه baby jourey وتكون الوانه متناسقه مع قميص النوم ... هذا طبعا بالإضافه لي الميك آب ... طبعا ما يحتاج أوصيج انج تختارين ميك آب مناسب لج وحاولي انه يكون الميك آب مميز غيييير عن اللي تحطينه دايما وغير عن اللي تحطينه بالمناسبات .. يعني مثلا تقدرين ترسمين لج شي صغير وبسيط على ويهج أو جسمج أو تحطين لج الغليتر Glitter يعني كل وحده وعلى حسب ذوقها ... الناس أذواق



طبعا بعد ما ضبطتي روحج .. اييي دور البيت مثلي ما انتي عارفة الترتيب شي مهم وطبيعي ... فنظفي ورتبي ... والحين انيييييي حق غرفة النوم .......


نبدي من الباب ...... قولي حق محل الورد يسويلج طوق من الورد اللي انتي اخترتي منه البوكيه وغير ... ومو شرط طوق حتى لو شريط من الورد ولفييييييييييييييييييييه على يدة الباب ...

وبغرفة النوم

طبعا انه اخترت الأحمر والأبيض فوصيت محل يتفخلي بالونات مكتوب عليها i love u اشوي حمراء واشوية بيضة ... وفيه بالونات عليها طبعات بوسه بالأحمر يعني بدعي اشوي .... خلي اشويه بالونات طايرة ... وكثري من البالونات المطششششرة عالأرض ... واختاري اشكال مختلفه


وخلي اول ما يدش من الباب ... يستانس من حركة انه سويتها بزوجي ... اكو بـ body shop الشموع الصغار اللي بستيل اللي شكلهم دائري اشتري منهم واااايد ... وبهالشموع شكلي عالأرض كلمة (أحبك) وشبيهم قبل لا يدش ... وطفي الليتات ... شوفي اشكثر راح يستانس ويسخسخ ... راح ينثول




وسوي عالأرض تحت كلمة احبك او فوقها ... طبعا التنسيق عليج ... بالورد المنثور .. كتبيله عالأرض I LOVE U وحطي يمهم البوكيه ونثري او وزعي البالونات يمهم بطريقة عشوائية ... وتقدرين تسوين البالونه الكبيرة اللي فيها فلب أحمر ودبدوب ... وفيها لمعه وسوالف ... وتعلقينها على فتحته المكيف ( السنترال) بس ختكون طويله عشان تبين بالصور


والفراش طبعا اشتري فرشة يديده وعطريها ... بعطر مميز غير عن كل عطر ... وووو عالفراش حطي دبدوب مثلا ماسك ورد طبيعي ... ونثري ورد ...


زهبي الكاميرات ... والحين دور الحمام والبانيو ...

الحمام عطريه عدل عدل وعطري معاج الروب اللي يستخدمه بعد السباحه والمناشف ... بس لا تترسين الجاكوزي أو البانيو ... لأن راح يصر ويلح عليج انج تكونين معاه ... وانتي لابسه ومسويه شعرج و حاطه المكياج ... البانيو خليه حق اليوم الثاني ...

زهبيله وجبه خفيييييييفه جدا بس خل يكون اهوه يحبها او سويله شي سبيشل يديد ... والعصير اللي يحبه زهبيله ياه و حطي عالكأس اللي يشرب منه ورد طبيعي ...

وانتي تزهبي ولبسي ... واستعدي ...... لمن ايييييي طفي الليتات واول ما يدش استقبليه بكلمه حلوة ... مثلا كل عام واحنه بخير ...

صدقيني عينه اول شي راح تروح على كلمة احبك اللي من الشموع لأنها فكرة يديدة وغير متوقعه ...

طبعا انتي نثري ورد بالغرفه كثر ما تقدرين ... واهم شي تكون ريحت نفسج يعني انفاسج طيبه وحلوة ...


والباجي على زوجج ... بس انتي ضبطيه بحركات قوليله يالله بصورك .. سو جذي وجذي ... اقعد اهني امسك هذا ... ومن هالحركات ...

اليوم اللي بعد ... ترسي البانيو وزهبيه ونثري فيه ورد طبيعي وعطر ورغوة ... وقعديه من النوم بكلام معسووووووووول ...

بس تعبت الباجي عليكم عاد ... بس اهم شي التناسق بالألوان ... والورد يكون كله طبيعي ... والعطورات تكون مميزة ... وريحت نفسج او حلجج ...


تقبلوا تحياتي