حركات زوجي و ام زوجي اخته قمه الاستفزاز

السلام عليكم

بنات انا ولدت من فتره ومحد جاء زارني بنفاسي غير ام زوجي

حتى اخته ما جات

وفوق كدا داقه عليا تقولي ليش تروحي مستشفى معفنه وانا رحت احسن مستشفى وغير كدا ولدي جلس بالحضانه ما يقارب اسبوع تقولي مو عارفين ايش فيه الولد وتاركين الولد هادي فلوس مدفوعه وانا اصلا عندي تامين بس هي قليله ادب لااميه ولدها عند ابوة وجالسه تحاسبني على ولدي وهو في الحضانه

وانا ما قصرت رديت عليها وطبعا ما زراتني ولاشي

والحين بنت خالت زوجي جاتها بنت

والحين بس يلاحقوني تعالي نزورها يا بنات ليش ازورها هي وامها بس اتصلوا وانا اتصلت

زي اللي لي علي صح ولا لا

ام زوجي الحين لها 10 ايام بالضبط تعالي زوري بنت اختي هيا نروح نزور بنت اختي وتدق على زوجي

وزوجي مبهدلني روحي زوري يا بنات محد احترمي ولا حسب حساب لولدي
وجاء من اهله

وهي تبغاني اروح لها في المستشفى وتبغاني اورح لها البيت سلامات

واتضاربت مع زوجي وهزئني وقالي انتى تبغى تسببي قطيعه

ليش لازم انا اللي ازور الناس

ليش ماهم تعبوني نفسهم وجاو لي يزوروني بنفاسي

غير ان البنت هادي اللي ولدتت زوجي كان يحبها قبل لا يتزوجني

وجالس يقولي مسكينه تعبانه لازم تزوريها مسوويه عمليه

الله اكبر انا ولدت طبيعي يوم كامل وانا اطلق عادي
بس امه عبته عليا انو طبيعي مافيه تعب والعمليه تعب وكدا

كلامه كلام حريم

السبت الماضي انا رحت لاهل زوجي وامه بس تلاحقني هيا تعالي معانا الربوع

وانا قلت لها ولدي تعبان من التسنين

وما روحت والخميس ما اتصلت امس الجمعه اخته دقت تعالوا دحين احنا عند خاله عشان تشوفوا بنتها تعبانه نفاس وكدا

وخالاتي كلهم موجودين وبيروحون بعد شوي تعالو قبل لا يروحو

زوجي عارف رايي ما اجبرني خلاص كفايه الاسبوع الماضي كله انا وزوجي بس نتضارب
بسبب ولاده بنت خالته

طبعا انا سحبت عليهم ومارحت

دحين اكلف على نفسي واجيب هديه وانا ولدي محد درى عنه

وخالات زوجي يقولو لام زوجي جيبي حفيدك بنشوفه

الحين وش الصح هم يجيون ولا انا اخد ولدي عشان يشوفونه

وغير اتصالات ام زوجي يوميا من 10 ايام تتصل عشان اجي ازورة بنت اختها

وتتصل على زوجي عشان يجبرني اروح ازور

وانا مره ماراح ازور

حتى سلفتي يوم جابنت بنتها والله ما جابوا لها شي ولا بنتها ولاشي

وعشان بنت خالتهم اخدو لها طقم ذهب وانا ولدي ما جابو له شي

غير انهم يعايروه بجنسيه امي

وطبعا انا زوجي صار بيننا كلام كثير لدرجه اني قلت له عشانك تحبها تبغاني ازورها

وطبعا سار كلام وما نكلم بعض

وقلت له محد احترمني ومحد زارني ليش انا اذل نفسي

سار يقولي هادي صله رحم

قلت له صله رحم لك انت انا مالي صلاح

تبغى تروح روح

والله يا بنات الحين ساحبه عليهم لي 10 ايام كل مره ارفض بحجه

اقولخا ولدي مريض ابدا ما يفرق معاها كلامي

تبغاني اجي باي طريقه تدق عليا مرتين ثلاث مرات باليوم

هبلت بي وربي كرهت نفسي

والله اللبيب بالاشاره يفهم

والله يا بنات وقت نفاسي محد جاني ولا بارك لي

خالته هادي بركت لي بالتلفون

وانا باركت لها بالتلفون

خلاص اتعادلنا زي اللي لي علي

بس ام زوجي بهدلتني

والحين سارت ترسل اخت زوجي تكلمني على بالها انى بعما لها حساب لان اخته مره متسلطه على ام زوجي وعلى سلفتي على بالهم انهم بيخوفوني منها


ابغى رايكم بامانه بامانه بامانه

مين معاه الحق انا ولا هم الحق يا بنات الحق مو تتعاطفوا مع احد استناكم



اعتبروها فضفضه

لو قولتوا لي ان الحق مو معي انا راح ازورها بس ابغى الحق مع العلم انهم ما حضروا زواجي

والبنت زوجي كان يحبها