حركة الجنين

عزيزتي انا للي اعرفه انه الواحده تشعر بالجنين من الشهر الرابع إذا كانت مخلفه قبل هذي المرة اما اذا المره الاولى ممكن تتاخر شوي
لكن عزيزتي عندي سؤال انتي ما تفحصي كل شهر عند الدكتور لازم تسوي فحص تطمأني فيه على الجنين ووضعه يعني حتى لو تحرك احسن تروحي تفحصي بالشهر مرة حتى تتأكدي انه كل شيء سليم ولو في مشكله لا سمح الله تعالجيها في بدايتها
روحي افحصي وطمنينا

مشكورة أختي على الرد

أنا أفحص كل شهر لكن موعدي كل 24 من الشهر وأنا صار رحت لها الشهر اللي فات قالت لي طبيعي
ما تحسين الحين
وانا هذي حملتي الأولى ...

لك تحياتي

عادي فيه ناس مايحسون به الا في الشهر السابع لا تشغلين بالك وترى الطفل يتحرك في البدايه بس امه ماتشعر فيه وتظن انه غازات.

السلام عليكم
اهلين عزيزتي انا ما حسيت فيه الا في السادس وسعي صدرك وعادي انك مستعجله على هالاحساس ويمكنه تحرك بس انتي ماتدرين انه هو لانه شي غريب وجديد اذكر انا كنت انتضر هاللحظه من كثر ما انا مستعجله اي شي في بطني احسبه هو حتى لو مغص وانشاء الله تحسين فيه عن قريب وكل شي بوقته حلو..

هلا حبيبتي ......
حركه الجنين تختلف من وحدة لوحدة
انا هذا حملي الاول ونهايه الرابع حسيت بحركته
وشيء طبيعي اذا ما كنتي تحسين فيه الحين
في بعضهم يحسون في الحركه في نهايه الشهر الخامس او بدايه
الشهر السادس ....
هو يتحرك بس على بطيء اذا تنامين على ظهرك وتخلين بالك على اسفل بطنك
يمكن تحسين بنخزات خفيفه نفس واحد قاعد يضربك بصبعه على خفيف
وفي اطفال ما ترفس بس يزحفون تصير الحركه نفس الدودة
وعلى الانتفاخات فهذا شيء طبيعي مو لازم في السابع تنتفخ رجولك و يديك
الانتفاخ يصير لان السوائل تزيد في جسم امرأة فتنتفخ رجولها ويديها فلا
تشغلين بالك ولا تحاتين هذا كله طبيعي
وأنشاء الله تقومين بالسلامه