كيفكمـ يا حبايب ؟؟
فتحت هذا الموضوع لــ عيون كل بنات حواء
راح نتكلمم عن عن طريقة طاقية الدوامه للشعَر >> تفرده من الجذور وحتى الأطراف اسألوا مجربهـ
الكل يمدح فيهـ وشرحته لي أحد الأخوات المصريات أتشرف بذكر اسمها في موقع آخر
وهي الأخت حبيبهـ جزاها ربي الجنه وفرج عنها وحقق لها كل ماتمناهـ يا رب
ما تتخيلون قد ايش ارتحت واتغير شعري كثييير وما عاد أستخدم السيشوار إلا نادراً ( للغرّه فقط )
إليكمـ طريقة طوق الدوامهـ ..
اللي راح تستخدميه ( بنس بعدد كبير >> على حسب طول الشعر بس أفضل تكون كثيرهـ عشان تمسكـ الشعر ويبقى ثابت )
وزيت أو كريم على حسب نوع شعركـ في حال كان دهني أو جاف بعد الترويش >> أنا لما بديت أسوية
بصراحه سويتهـ من دون أي كريمات أو زيوت أبداَ اكتفيت بلفه فقط ..
بس من كثر النعومه اللي جته بعد الطاقيهـ فكيتهـ وقام يتططاااااااير ويتلصق على وجهي فحبيت أخفف من طيرانه بشزي زيت سمسم
<< ماما وصتني عليه تقول طبيعي وزين بس حذاري تدهنين جذور الشعر أو فروة الرأس به بس شويييييييييييي فقط على الشعر نفسهـ
الطريقهـ ..
1 // تتروشين وحاولي تقللي شامبو ( حلي أو خففي الشامبو بمويه قبل تحطيه على شعركـ عشان ما يخرب الشعر )
2// استخدمي حمام زيت فاتيكا للشعر ريحته حلوه ونتايجه ممتازهـ مره >> عن تجربهـ
3// اغسليه بعد الحمام >> وخليه ع راحته لين ينشف شوي >> لما يصير شعرك رطب أو مندي يعني ما يجف مرره ..
هنا راح نبدأ شغل ..
4// سمّي بالله وامسكي المشط ، وافرقي شعركـ بأحد الطرق التاليه اللي تناسبك سويها
>> افرقيه من النص راح يصير عندكـ مجموعتين يمين ويسار ..
>> افرقيه من الأذن للأذن راح يصير مجموعتين فوق وتحت ..
>> بعضهم يفرقونه أربع مجموعات واستخدام الطريقتين السابقتين ..
بس أنا أستخدم الطريقهـ الأولى بس الأربع راح تبهذلك شوي يعني ما راح تقدري تسويها أنتي بنفسكـ .. بس تناسب اللي
شعورهم كثييييرهـ ..
5// الحين فرقناه يمن ويسار .. ابدأي باليمين ( شوييييييييييي فقط زيت أو كريم أكرر شوي عشان يطلع كأنه مستشور ) طبعاً هو رطب
الآن وراح تسهل الرطوبه تمشيطهـ ..
مشطيه باتجاهـ الأذن ثم لــ أعلى مروراً بالغرهـ >> والبنسات راح تكون في هذي الحالهـ لتحت لأنه الشعر اتجه لفوق >> فهمتوا ..
لما توصلي للغره بشعركـ راح تثبتيه زين بالبنس بحيث يبقى ثابت وما يختلط شئ من هذي الجهه بالجهه الثانيه ..
الحين راح تلتقي بالجزء الثاني من الشعر ( طبعاً بداية الجزء الثاني راح تمشطينه لتحت وتثبتي بدايته فقط ببنس لحالهـ وتجمعي معه الآن
الجزء الأول وتبدي تمشطيهم سوى لــ لتحت دوران الشعر على الرأس >> فهمتوا كيف عشان كذا دوامهـ
وبما أن الشعر اتجه الآن لين تحت راح تكون البنس على فوف ( تدخليها من تحت وتطلع على فوق )
ثم راح تكملين اللفهـ ( لو كان شعرك طويل راح تلتقي بجزء رأسك اليمين اللي بديتي فيه كملي ولفي بحيث شعرك يدور على راسك وطبعاً
أنتي راح تعرفي تثبتي البنس بالشكل اللر يمسكه صح >> أنا راح أحاول أرسم لكم الطريقه ولا تضحكون علي ترى مستواي بالرسم ممتاز بس هنا ما عرفت شلون ارسمه
لكمـ ..
هنا لما تخلصي راح تأخذي سيشوار وتحطيه ع المروحه من دون حراره << مهم من دون حراره بس هواء ..
راح تمرريه على شعركـ بعد ما لفيتيهـ لين تحسيه شوي تنعنشت فروة راسكـ وجفت الطبقة اللي فوق من شعركـ
وخليه تقريباً نصف ساعه أو ربع ساعه .. ثم فكيهـ وسوي العكس ابدي باليسار ( اليسار ارفعيه لفوق والبنس لتحت وراح تلتقي باليمين
ولفيه معه والبنس لفوق وجففيه بالسيشوار بس مروحهـ وخليه نص أو ربع ساعهـ .. ثم فكيه وسوي زي المره الأولى ابدي باليمين وخليه ربع ساعه
ثم فكيه وابدي باليسار وخليه ربع ساعه >> أنا أسويه كذا لأنه بعدها ينفرد شعري فرد مو طبيعي لو حابه تكرري كرري لين تشوفي شعرك انفرد )
جربي وراح تدعي لي وتدعي لــ أم حبيبهـ (تنصح فييها العرايس خصوصاً )
جربي ويمكن تكفشي شوي من كثر الفك واللف بس لما تشوفي النتيجه ما راح تخليه أبد عودي شعرك كذا بعد الترويش وراح تلاحظي تغيره بعد مدهـ
ع العموم أتنمى تكون وضحت لكم
شوفا الحين أبي كل وحده تقفل النت وتروح تغسل شعرها وتخليه ع راحته لين يرطب ( نصيحه عودي شعرك يشم هوا لا تخليه أبد ملموم وهو مبلول لأن الشعر
راح يتعود اللم ولو تفكيهـ مره في مناسبه راح تلقيه يهيج لأنه تعود اللف فغريبه عليه ينفكـ وعشان كذا نشوف الشعر يتطاير ويتبهذل لو رحتي مناسبهـ وفكيتيه بعد الترويش والسيشوار
منقوول
حبيت افيدكم
فقط ادعووولي بالهداية
حبيييت الطريقه الاولى مرره مرره مرره سهله
بكره ضروري اجربها بس المشكله شعري قصيرون ماراح تزبط :(
بس يلا العوض ولا القطيعه
اممم حبيت اسالك هوا بدون حراره قصدك انزل درجه ف الاستشوار صح
لاني الاحظ لما اخليه انزل شي يصير هوا الاستشوووار بارررد وماحسه ياذيني وياذي الفروه
مشكوره قلبووو ع النقل :)