حركة اهل زوجي معايا

السلام عليكم
امس كنت في عزيمة مع اهل زوجي المهم كل جمعة لما يشوفوني اتكلم مع الناس واتعرف عليهم اشوف نظراتهم يطلو في بعض وكانو مو عاجبهم يشوفوني مبسوطة واختلط مع الناس
في الرجعة بنرجع سوا المهم كنت اكلم وحدة جات اخت زوجي تقولي يلا انتي راجعه مع مين بأسلوب مو حلو قلتلها بهدوء معاكم! قالت يلا امي جات قلتلها طيب اوك وقمت مع انو هما توهم قامو ونا عارفة واكيد ماراح اتاخر عليهم
تاني موقف صار و هوا اللي مره زعلني سمعتهم في السيارة يتكلمو مع سلفتي ونا محد بيكلمني يقولو بيخرجو الصباح كافي وفعلا نزلت بيتي وعاقروب الواتس وحده منهم قالت ايش رايكم نطلع اسم اسم ونا و لا احد كلمني اخوات زوجي وبنات خالته ومرت خاله كلهم خرجو وما محد كلمني بلهي دا اسلوب؟
ونا والله مع اهل زوجي مو مقصرة ازورهم اول بأول و واقفة معاهم مره انصدمت من هذي الحركة ما كأني كنت معاهم ولا كأني موجودة
انا مو عالخرجة لا والله انا على ليش يعاملوني كده وما شافو مني شي
ايش رايكم انتو لو وحدة منكم مكاني ايش تسوي؟