صافيان... :

خلينا نفحص الحلول: " العتاب" أو القسوة متعب نفسيا لأي إنسان مب بس الطفل، عشان كذا حطي عليه X . طيب و ش الحل؟ " التجاهل" - لازم كل الموجود بالمحيط يتفق عليه، واحد يخالف يخرب كل شيء- : أنت و أبوها و كل البيت قوموا ب(تمثيل) أنها " غير مرئية"، متى؟ مباشرة إذا كررت نفس الموقف، عشان ذهنيا و نفسيا كذا يرتبط النتيجة عندها بالسبب مباشرة. المهم، كيف تتجاهلونها؟ لازم تصيرون أذكياء و تجاهلونها حتى بأدق التفاصيل حتى تجنن منكم، يعني و أنت تحركين عيونك بالصالة تدورين غرض و تمر قدامك لا ترمشين و مشي عينك عليها كأنها ما تنشاف أصلا ههههه . و بوقت وجبة خفيفة حطي لها و لأخوها صحن و ناظري من حولك مستغربة تتمتمين بصوت واضح " و ينها فلانة ما أشوفها، امم طيب مب مهم أصلا؟ هي تسوي تصرف غير مؤدب كذا و كذا يعني مزعج فمب مهم وجودها بالعكس أريح" و هنا أبوها يوافقك الرأي و يعيد نفس الكلام و أخوها و كل الموجودين. المهم وقت النوم و " وقت أيييي مهمة" طبقوا نفس الأسلوب، راح تلقيتها تتجنن تصارخ و تضرب تطق و تصيح هنا خلكم أقوياء نفسيا لا تتحركون و لا شعرة. طيب كم المدة؟ هذا نقطة مرة مهمة ، و هي غلط جدا تكون مدة قصيرة دقايق لازم مدة طويلة صبركم ما ينفذ بسرعة، أنا أعطيها ع الأقل 3 ساعات . المهم بعد هالساعات الثلاث؟ بأسلوب حازم بدون صراخ و لا لفظة تعنيف لا لطيف يعني: حازم و هادىء اجلسي حتى تصيرين طولها امسكي كتوفها بحزم بس بلطف ناظري وجهها بثبات، و قولي لها بهدوء "أنت حلوة و حنا نحبك، و لكن؟ تجاهلنلك لأنك تسوين الخطأ الفلاني ... الخ، و في الأخير قولي: يلا قولي " أنا آسفة" عشان نسامحك بسرعة. بعد ما تقولها احضنيها بقوة بدون ما تنطقين أييييي كلمة. و انتهينا. كل ما كررت أسلوبها كرروا أنتم أسلوبكم، إن شاء الله تطفش خلاص و تتوب توقف ... الله يوفقكم. ---- * ملاحظة مهمة : - لاحظي قلت حطي "صحنها" مع أخوها، نفس الشيء الحلاوة أي غرض تعطين أطفالك بشكل جماعي " حذاري انتبهي تحرمينها منه" أبدا خلي تاكل و تشرب و تلعب، أي غايتنا "التعب النفسي" فقط مب الحرمان. من لا يرحم لا يرحم. - ملاحظة مهمة بعد، أي واحد " يخالف" اتفاقكم؟ يخرب عليكم كل شيء! تعتبره المنقذ المسوغ لأفعاله، و تستمر ع العناد، بل ممكن تتحول لصراع أي تصنفكم : هذا يحبني، هذا ما يحبني.

خلينا نفحص الحلول: " العتاب" أو القسوة متعب نفسيا لأي إنسان مب بس الطفل، عشان كذا حطي عليه X...