بصراحه انا قعدت اتعبث واللي خلاني اتعبث سؤال سألته مره الاخت بنت الاردن تقول شلون اطبق الجليتر على الصوره .. طبعا هي كانت تقصد اضافة صوره مع الجليتر لكن انا خيالي راح بعيد وقعدت افكر ليش ماافكر بالحركه خصوصا اني شفت وحده من العضوات سوتها في احد الردود في موضوعي الجليتر لكن للاسف يوم سالتها شلون سويتيها لاعلمتنا ولا ردت علي .. عشان جذي قلت بتعبث احسن مااسأل احد مايبي يعلمني
والله شاهد على كل كلامي ومحاسبه عليه يوم القيامه ان هالطريقه انا اللي طلعتها ولانقلتها ولا أحد علمنياها ولا راح اجذب في امور انترنتيه وادخل النار عشان فوتوشوب
المهم نبدأ....
التصميم عباره عن تلبيس اجزاء من الصوره بالجليتر
اولا هذا التصميم
ملاحظه:
بتلاحظون الجزء العلوي الازرق من الخلفيه يتحرك لاني مسحت عنوان الصوره من طبقه وحده عقب ماضاعفتها واكتشفت هالشي اخر شي وتعاجزت ارد اعيد التصميم
1- نفتح الصوره عن طريق ctrl+o
وهذي الصوره عشان تطبقون عليها
2- بواسطة اداة التحديد السحريه نحدد المناطق اللي نبي نطبق عليها الجليتر
ولاختيار اداة او عصاة التحديد السحريه نضغط shift+w
او نختارها مثل الصوره ومهم جدا رقم 2
وراح يعطينا هذا الشكل
ملاحظات:
- استعمال الاداة السحريه صعب شوي ويبيله دقه الله يعينكم بس اهم شي تضغطون على المنطقه لحد ماتحدد كلها
-اذا خربطتو بالتحديد ارجعو خطوه او خطوتين او اي عدد من الخطوات عن طريق history او اضغطو ctrl+z للرجوع خطوه وحده بس
3- نضاعف اللايرات عن طريق
layer ===> duplicate layer
او عن طريق سحب الشفيفه للمربع الصغير في اسفل صندوق اللايرات
3مرات ونحذف لاير الخلفيه لان لاير الخلفيه مانقدر نشتغل عليه
4- ننفذ اللي مكتوب بالصوره بالضبط
5- نكرر الخطوه رقم 4 مع اللاير الثاني والثالث مع ملاحظه اختيار الباترن رقم 2 للاير رقم 2 والباترن رقم 3 للاير رقم 3
6- نضغط ctrl+d عشان نشيل التحديد
7- لاضافة نص نفتح لاير جديد ونطبق الخطوات الموجوده في هذا الدرس الموجود في الرابط ابتداء من الخطوه رقم 9
الجليتر بأسهل طريقه
8- واذا مانبي نضيف نص ننتقل للايميج ريدي على طول عن طريق shift+ctrl+m
بانتظار تطبيقاتكم على اي صوره تبون
حقوق الابتكار محفوظه :27:
وعن قريب بطبقها أن شاء اللّه