عزيزاتي سيدات مجتمع حواء ..
حابة تشاركوني رأيكم بهذي الحركة اللي اسويها غصبن عني مع أطفالي ..
مدري كيف تعودت أسويها ؛؛ و قدام الناس احيانا ً ؛؛
ساعات ما يهمني ؛؛ و ساعات أحس انها حركة مو ذوق خصوصا ً أني أربي بنتين 7 سنوات و 4 سنوات الله يحفظهم ؛؛ و أبيهم بكرا يصيرون أنيقات ومذوقات ؛؛
طيب عارفة أني طولتها ... و بقولكم الحركة ايش ..
أنو لمن أعطيهم حلاوة أو شيبس أو أفك لهم عصير أو أي شيء خصوصا ً من برا البيت ؛؛
يعني اشتريته من بقاله أو أعطاهم أحد .. أني لازم أذوقه :)
ساعات أحس حركه مو ذوق ومو حلو بناتي يتعودون عليها ..
و ساعات أحسها غريزة أمومة أني أتطمن على الشيء اللي بياكلونه ..
و أقولكم شيء خطيــــر ... يا ما أنقذتهم من شيء ما أنتبنها لتاريخ الصلاحية .. أو حاجة طعمها متغير من سوء التخزين .. ورميته قبل ياكلونه و يضرهم ..
و طبعا ً الأطفال يا عيني عليهم .. ما ينتبهون ياكلون مو عارفين خربان أو لا ..
ياريت كل وحدة تعطيني رأيها في الحركة ..
وياليت كل الامهات مثلك هذا المفروض لانهم اطفال ابرياء