حركة سووها بي أهلي ماراح أنساها أتمنى منكم دعوه

السلام عليكم

عندي هم كبييييير والتمست من الله أن تكون دعوة وحده منكم مستجابه
القصة باختصار جبت لأمي شغاله من أكثر من سنتين ونصف من جيبي أنا ولا وحده من خواتي أو اخواني ساعدوني فيها وفوق هذا يكرفونها وتشتغل لهم ولا قلت شي قلت ياغروب اقصري الشر وخليك الطيبه ..
ابوي انسان ظالم مسيطر علي أنا وأمي من صغري ماعنده غير الضرب والسب والتلعين ومع هذا برضه ساكته بحكم إنه ابوي ومعليش ياغروب .. المهم تفاجأت قبل كم يوم وأنا جايه من الدوام بأمان الله والشغاله تشتغل ع أساس مواعدتها تسافر بعد العيد بإذن الله ومزودة راتبها 1300 ريال بدل 1000 وراضيه والأمور تمام تفاجأت بعدما صليت الظهر إن الوالد ناوي يسفرها أنا تفاجأت ليه ؟؟؟؟ وش صاير قالت أمي هي تبغى تسافر ناديتها سألتها ليه بتسافرين وانتي تدرين إن ماما تعبانه وأنا دوام قالت بابا يبغى كذا قلت طيب قولي لي ردي لي راي تفاجأت انهم حجزوا لها ورتبوا أمورها وأنا ولا كأني دافعه فيها دم قلبي قسم بالله مادفع فيها ابوي ولا غير هلله وحده وفوق هذا تسفر من غير علمي ولا رايي
ابوي زي ماقلت مايخاف ربه بي ولا بأمي نهائي متعودة ع سبه وشتمه وموسعه الصدر بحكم انه ابوي بس للأسف اكتشفت ان سكوتي جاب نتيجه عكسيه ... قمت حلفت ماأدفع بتذكرتها ريال قال أنا أدفعها المسألة عناد لي وتدمير لنفسيتي واتعاب لأمي ولا أقول غير حسبي الله ونعم الوكيل
مو كل أب ينفع فيه البر إذا هو من الناس الي يعتبرون المعامله الطيبه ضعف
نفسيتي تعبانه من 4 أيام مقهوووورة مو ع تسفيرها ورب البيت ماهمتني تروح بس طريقتهم بالتعامل معي ولاكأني كنبه بالبيت وأنا بس مجرد ادفعي ياغروب هاتي ياغروب ولا أحد يساعدني بشي
أقسمت أيمان ماعاد أجيب شغاله من راتبي إذا هذي آخرتها وللعلم تخدمهم أكثر مني لا هم ولا عيالهم
ولا لي كلمة عليها أببببد يعني باختصار أنا أرض ماطيه مالي لا كلمة ولا راي وفوق هذا ماأعجب
حسبي الله ونعم الوكيل
لاتجي وحده تقول ابوك وبر الوالدين ترا عارفه ول ابكتب قصصه بتعذيبي أنا وأمي بكيتوا لحالنا
بالنهايه ماابي منكم بهالجمعه المباركه إلا دعوات ينصرني ربي ويظهر حقي ويبدل من ذلي وحالي ربي على كل شئ قدير