حركة سويتها (تجنن)

السلام عليكم
اولا وقبل كل شي انتو تجننو وافكاركم تجنن ........الخ
ثانيا حبيت اشارككم بافكاري انشاء الله ما تكون مكررة
ندخل في الموضوع


كنت محتارة مررررة لانو الافكار خلاص خلصت بس
بعدين طنت هذيك الفكرة في راسي اقولكم ايش؟؟؟؟؟؟؟

:42: :42:

قللي عقلي يا بنت خلليها سهرة في البيت بدون ما تروحي مطاعم او او او

قمت جهزت الاشياء من قبل هذا اليوم بحوالي اسبوع يعني انتي لازم تجهزين
من بدري عشان لا تنسي اي شي
المهم رحت جبت
1-قماش احمر طوييييييييييييييييييل الطول اللي تبغيه
2-ورود حمرة صغيرة
بعدين قصيت القماش بالطول يعني خليته زي عرض الممرات اللي تجي على
الدرج وخيطت اطرافه وطبعا بعد القص سارو قماشين قمت خيطهم ببعظ وسار
ممر طويييييييل بالزبط زي الممرات اللي على الكوشه انشالله تكون الفكرة وصلت
بعدين خيطت الورود على اطراف الممر من الجنبين وحطيته على جنب
3-تجيبي شموع حمرا من حقت الفواحه العاديه
4-من اي محل خردوات تجيبي زبديات قزاز صغيرة على قد الشموع وكميه كبيرة
يعني درزنين مثلا واقصد بالزبديات الصحون المدورة الصغيرةالعميقه بس تكون
مرة صغيرة يدوبك قد الشمعه
5-لحاف احمر للسرير
6- خداديات حمرة
7-ابجوره حمرا من النوع اللي يجي على شكل قلب مقفول واللمبه جوته هذي
الابجورات رخيصة مررة ومعبية السوق
8-شموع حمرة كبيرة وصغيرة اشكال والوان على ذوقك
9-زينات حمرة بس مو اي شكل اللي تجي كنها فرو بس تلمع
مثل القصدير في منها احمر وفضي خذي من اللونين
10-ورد صناعية لون احمر
11-قميص نوم قصير واحمر
12-برواز احمر حطي فيه احلى صورة من صور فرحكم
13-علب تقديم هدايا عدد3 على شكل قلب
14-3بطاقات حمرة
16-عطر جديدالمهم ما تكون ريحه هو متعود عليها ممكن تاخذي من اختك
خخخخخخخ
17-هديه حتى لو كانت بسيطه
18- ورد مجفف وعطريه باللي تحبين

الليله الموعوده
:26: :26:

تجيبي هذي الاشياء وتكوني من بدري متفقه مع احد انه يجيبها لك
عشان مو وقت مقالب
انا وصيت اخويه يجيبهم والاشياء هيه
1-ورد طبيعي كم حبا عاديه والباقي مفروط
العادي لونه احمر والمفروط احمر وابيض
2-اكل صيني من المطعم جيبي اللي تحبوه اهم شي مع السلطات والقمبري
وهذي اللي تكمل الوجبه عشان يسير زي المطعم بالزبط
3-عصير بالكرز
4-كرز
5-كيكه بالشكلاته مكتوب عليها كل عام وانت الحب
6-بللونات حمرا وبيضا

صرفيه من البيت بدري عاد انتي وطريقتك انا قلت لاخته تناديه على اساس
انهم يبغون يتونسون معاه ولزيادة الاحتياط قلتله صحباتي متجمعين عندي وما ابغاك
في البيت

دحين خرج بسرعة
*جيبي الممر وافرشيه من المدخل البيت الين غرفة
النوم عند الباب
*جيبي الشموع الصغيرة والزبديات الصغيرة رصي الزبديات على اطراف الممر
وعبيها مويه وحطي الشموع فيها
*جيبي اللحاف افرشيه في السرير ارمي الخداديات عليهانثري شوي من الورد الصناعي عليه وشوي من الورد المفرط الطبيعي
*انثري باقي الورد المفروط في الممر
*انثري الورد المجفف في البيت كله
*انفخي البللونات وانثريها في البيت وكثري في غرفة النوم
*العلب الحمرا جيبي اول علبه اكتبي رسالة حب قصيرة وحطيها
جوتها وجيبي البطاقه الاولى وكتبي فيها سوف اجعلك تتطلع على
الاسرار التي بقلبي لانك حبيبي ولصقيها في العلبه الاولى
وحطيها في بداية الممر
*الان جيبي العلبة الثانيه وتكون اكبر من الاولى شوي حطي فيها ورده وجيبي
البطاقه اكتبي فيها سوف اكون دائما وابدا وردتك التي تنثر عبقها في ارجاء حياتك
او اي شي على ذوقك
وحطي هذي العلبه في اخر الممر يعني عند باب غرفة النوم
* اكيد انه بيكون في غرفة النوم طاوله او ما شابه رصي فيها الشموع وبقيه الورد
وحطي العلبة الثالثة وجوتها الهديه والبطاقه الثالثه وكتبي فيها كل عام واحنا بخير
ولا تنسي تحطي الابجورة اللي على شكل قلب اما على الطاولة لو كانت مدورة وكبيرة
او في اي مكان بارز
وحطي البرواز اللي فيه صورتكم وقدامه ورده
*جيبي طاوله ثانيه حطي فيها الكيكه والعصير والكرز جوا العصير
*رتبي الصالون وحطي فيه سفرة وحطي فيها شمعتين
*على الكومدينات حطي شموع
*جيبي الزينات اللي مثل الفرو وحطيها بالطريقه اللي تعجبك انا قفلت الستاير
وعلقتها على شكل حرفي وحرفه

*البسي القميص واتمكيجي بس ما يكون مكياجك احمر عشن لا يفكر نفسه
مع حبة طماطم اسود وبيج مررررة نايس
*حطي العطر الجديد
*بخري البيت
*اتصلي عليه قوليله انا اعتذرت من صحباتي عشن حاسة نفسي تعبانه شوي ما تقدر
تجي شويه او اي عذر اني عارفة انه حيجيب زوجك البيت دحين الخطة ماشية تمام
على طول ولعي اشموع حطي العشا بالصالون عشان لو حطيتيه بدري بيبرد
واقعدي بالغرفه وهو لمن يجي الممر بيوريه الطريقاضمن
وعلى ضمانتي انه بيسير كده طول الليل:32::32:
مختصر اللي رح يصير رح يدخل يلاقي بيت جديد ممر مضاء بالشموع لما يجي يمشي فيه حيلاقي اول علبة يفتحها ويكمل مشي في اخر الممر حيلاقي العلبه الثانيه ولما يدخل الغرفه
:32:عالم اخر ورح تكون ليله حلوه لو عجبتكم الفكرة ترى عندي كثيييييييييييييير:13: