هلا بناات ..شالأخبار؟

ماحبيت اطول عليكم ..
اللي عجبتهم الحركه اللي فاتت إن شالله هالحركه تعجبكم بعد ..بس حقوق الطبع محفوظه..ها؟
بصراحه هالحركه من تصميم وإخراج زوجي بعد لسوّاها من جد تأثرت و مررره عجبتني
, الحركه هي :
(هم تحتاج لخاصية التسجيل في الجهاز)


كان يفتح التسجيل وهو يكلمني عالجوال أو يفتحه وهو يكلمني وحنا قاعدين مع بعض نسولف,الغالب يسجل لمن يكون رايق ,يعني كلام حلو وأنا مو داريه ....و.يحفظهم عنده في الجوال بعدين ينزلهم عالاب توب بواسطة ال IR .. أو تقدرون للكمبيوتر العادي بوصلة الجهاز.... طيب؟
بعدين جمّع له زحمة مكالمات بنفس الطريقه .. أخر شي عطاني الCD اللي كان حافظ فيه هالمكالمات .. وقالي فتحيه.. :35: فتحته وأنا ما ادري شنو فيه بس لمن سمعت أصواتنا :eek: من جد دمعت عيوني .حسيت انه مهتم بذكرياتنا الحلوه :heart: ..
بس الصراحه اكتشفت ان صوتي يللوع الكبد....خخخخ
وأنا اقول :هاذي مو انا ؟؟
!!
طيب .أعرف إن الطريقه هذي ماتصلح لكل فئة المتزوجات : أنا عارفه إن نسبة الكلام عالجوال عند المتزوجات نادر لأنهم عايشين مع بعض وشوله الهذره عالجوال؟ يعني يمكن تصلح أكثر للمخطوبات .. ولأمثالي (اللي بعاد عن زوجهم .فالاتصالات تكون أكثر بالجوال)
بس أنا بقول لكم اللي استفدته من هالحركه ويمكن حتى انتو تجربونه وتستفيدون:
بصراحه حسيت إني أحيانا في بعض التسجيلات أكون وحده غلييظة على قولة السوريات . يعني تشوفين زوجي يكلمني برقه ونعومه(وطبعا هو غشاش لأن هو اللي بيسجل وأنا ياغافلين لكم الله. ومثل ماقلت لكم يكون آخر روقان) وأنا يكون ردي :إي لا. يعني جاف . وأحيانا تطلع مني ضحكات ...!!! حشى تقولين ولد مراهق ..و و و ...... يعني خلتني اعرف شنو عيوبي وانا أكلمه ونبهتني لها.. بس هم خلاتني اضحك من جد على بعض السوالف .. والمواقف اللي تصير .. وأحس اني وددي اسمعه عيالي لكبروا..

الزبده والخلاصه .... إنكم لقلبتوا الآيه وصار لسانكم ينقط عسل وسي السيد في حالة جفاف .. وسمع هالتسجيل ..ما أدري ,بس أتوقع ان بيصير وجهه قد النمله وبيتفشل :blink: وبيعيد النظر في طريقته . وللا شرايكم؟

وعلى فكره ..هالسالفه خلتني في حذر دائم . فتشوفيني احيانا اكلمه بكل ادب ونعومه لأن كل شي محفووظ

والله ادري اني طولتها وهي قصيره ... بس اهم شي انها تعجبكم ..؟



أختكم: عســــــــــــل.. بنات انا بسافر هالسبوع ادعولي اروح وارجع بالسلامه. :icon35:

حركه عسل يا عسل

حركة حلوة، إن شاء الله ما ينحرج الزوج أمام زملائه في العمل

وايد وايد حلوه فكرة الحركه اختي

بارك الله فيك ... واسعدك بزوجك ودام الحب والخير والاستقرار بينكما

تحياتي

الحمدلله انها عجبتكم .. وشراي الباقي؟؟

اختي ترنيمة العشق ... مافهمت شلون يعني بتحرجه يم زملاءه في العمل؟


حياكم