حركة ونست زوجي ... ويمكن تونس زوجك .. تعالي شوفي

احتفلت بمناسبة مع زوجي .. شوفي شو سويت
قلت حق زوجي اطلع مع ربعك اليوم إنت من زمان ما طلعت معاهم وهو ما صدق خبر :arb: بس لاتتأخر :42:
اشتريت كيكة صغيرة ( الله يخلي أختي جابتها من الصبح )
جهزت له هدية ( اشتريتها قبل فترة وحطيتها في علبه حمراء على شكل قلب )
اشتريت حصيرة صغيرة من الخيزران من دايسو
سويت له بطاقة وكتبت فيها كلام حلو .. باللون الأحمر
شيفون لونه أحمر وبالونات حمراء وبيضاء
طبعت كلام على ورق ( أحبك .. أموت فيك ... أعشقك ........... الخ
شموع صغيرة ( كمية تكفي لكتابة كلمة أحبك )
أول شي نومت بنتي وولدي ..
وبديت أشتغل

نفخت البالونات بحجم صغير وحطيتها في كيس كبير وربطته .. وعلقته على باب الشقه من داخل بالمقلوب وبعدين فتحت الربطه ودخلت الطرف المفتوح في حافة الباب العلوية عشان أول ما يفتح الباب تتساقط عليه البالونات
طفيت الليت وحطيف في كل مكان في البيت شموع
حطيت الحصيرة على الأرض وحطيت عليها الشيفون الأحمر والكيكة والهدية والبطاقة وصحينين صغار وسكين وشوكتين
وزعت الأوراق المكتوب عليها في كل مكان في الصالة
كتبت بالشموع كلمة أحبك ( طلعت روعة )
ولبست أحمر مع مكياج أحمر ..
ولما رجع زوجي استانس وايد بالحركة ..
بس المسكين نقز من مكانه لما طاحت عليه البالونات :)
أهم شي استانس :42:

فكرة تقدرين اتسوينها في إحدى مناسباتك .. إذا عجبتك ..
تحياتي