الاخت من الطايف
ذكرتينا بحركاتنا زمان
والادهى والامر لما نجي ياويل اللي نلقاه بالمرجيحه حقتنا
اكيد اولاد الحاره اللحين فرحانين انا كبرنا

ياكرهي ويابغضي لهالحركات الهمجية التعبانة
وللأسف انه امهاتهم واتوقع والله اعلم انهم متعلمات وفاهمات ..بس ماأدري وش الحكمة ..طيب هالعيال صغارية عقولهم صغار
أنتِ ياكبيرة القوم يا الأم وينك وش دورك ؟؟
محامية الحبيبة عن عيالها
والله اذا العيال سووا كذا ماينلامون صغار وعقولهم على قدهم
بلاكم من الكبار هم اللي يبي لهم دروس في الأدب

الله يعيننا على بعض العقول اللي تتعبك معها

والله احنا نادر مانروح لهالأماكن ولكن أشوفها وبصراحة قمة السخافة هالالعاب انحطت للكل ..بعضهم الظاهر يحسب انها لهم دامهم جلسوا قريب منها ..والله بعضهم همج همج صدق ..في المنتزهات اللي عندنا يحطون سياج حوالين الالعاب ..العرب اللي عندنا ماشاااااء الله تبااااارك الله يخزي العين حولهم وحواليهم ..قاشعين ابو السياج ومقرشين سياراتهم وسط الالعاب

بالله عليكم اذا القدوة كذا ..اجل العيال وش بيكونون

الله يصلح حالنا وحالهم

طيب وش رايك بقصتي
كنا انا واهلي جالسين والمرجيحه اللي فيها ولدي عمره سنتين ونص تبعد عنا تقريبا ثلاثه متر
لعبت ولدي وقلت بتقهوى وخليته فيها المرجيحه حقت اطفال ماني عارفه كيف اوصفها يعني مايعرف ينزل منها المهم والولد مبسووووط ويضحكلنا ماشاءالله وجات بنت صغيره ركبت المرجيحه اللي بجنبه كان تتطالع فيه ونزلت وجلست تمرجحه  وراحت تلعب ورجعتله وانا قلت لاختي خلاص جيبيه الا تجي حرمه معاها بنت صغيره تقولون عمرها سنه تقريبا تكلم البنت اللي عند ولدي وتقولها هذا اخوك وتهز راسها بلأه
وسالت ولد متعدي وقالها مو اخوي انا بقوم الا تنزله من المرجيحه وتحط بنتها انا لو استأذنت عادي اصلا ولا طالعت وراها وربي كنت بروحلها اعلمها الاسلوب بس امي وابوي حلفو علي قالولي الحين تبليك ولامريضه  وش يفكك منها بس بيني وبينكم جدا انقهرت من تصرفها
بس قلت الله يسامحها ويهديها

هههههههه للحين موجوده ذا الحركه

من زمان مارحت حدايق

سبحان الله وبحمده