السلام عليكم ورحمة الله وبركاته
اخباركم حبايبي عسااااكم بخير
بعد زواجي بسنه بالضبط وصلت زوجي رساله
انه عنده موعد بالرياض وملزوم يسافر
المــــــــــهـــــــــم
انا كنت بسوي لزوجي حفله عشان مرت سنه على
زواجنا بس عشان هالموعد كنسلت الحفله وحبيت
اسوي شي ثاني
جاء يوم سفره طبعا قمت رتبت شنطة سفره
ووصيت عليه مايفتحها قاللي ليش؟
قلتله عشان السحاب حق الشطه غصب تقفل
مسكين اهو صدقني ومافتحها ابد
ايش سويت؟
كتبت في ورقه طبعا ورقه شكلها مره حلو
يسر الحياه الزوجيه ان تهنئ الزوج الحبيب\......
على اجتيازه سنه من الزواج وتفوقه في مشاعر الحب
والرومانسيه والسيره الطيبه والاخلاق الحسنه
ولذلك منحت له هذه الشهاده
مع تمنياتنا له بالحياه الزوجيه السعيده
في ظل زوجته الفريده
زوجتك الحبيه.......
اشراف الحياه الزوجيه
لفيت الورقه وربطها بربطه حمراء ودخلت في نص الورقه ورده حمراء
وصل حبيبي بالسلامه وجلس هو وصاحبه سوالف وبعدها قام يبي
يبدل ملابسه فتح الشنطه طلع اللبس طاحت الورده مع الورقه
يوم طاحت شافها صاحبه سأله عنها ماعرف ايش يقول اخذها
وقراها وصاحبه ينتظر يخلص يبي يقراها ولزم عليه يقراها بحكم انه
لسه متملك ويبي يتثقف على قوله يوم قراها صاحبه الا وينزل مدح
وياحظك ويارب زوجتي تطلع كذا ومدري ايش وزوجي ماقدر يتكلم
ماصدق وهو يخلص دق علي زوجي والله يقولي من الفرحه طاحت
الدمعه من عيني وحسيت اني متزوج اجمل واروع انسانه في الوجود
رونق الصفاء @ronk_alsfaaa
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
حركه حلوه واللي ساعد اكثر صاحبه كان معه