حركه زوجي الغريبه ؟؟؟؟؟!!!!

السلام عليكم ...

راح أبدا ب الموضوع دوغري .. انا مستغربه من زوجي احسه مخبي علي احسه مسافر ولاقال لي ..

واول مره يكون غامض ولايعلمني واحسه يتهرب .. راح اقولكم من بدايه السالفه ..


يوم الخميس هذا جاء من دوامه وتغدا ونام .. يوم صحى قال ترا انا معزوم بطلع قلت أوكيه ودني لبيت أخوي على دربك قال اوك .. وحطني وراح وفعلا وقتها كان معزوم .. طبعا انا قلت بنام عنداخوي ودق علي زوجي وقلت له بنام عند أخوي قال اوك ووهو رجع البيت ..يوم اصبحنا


يوم الجمعه قلت له بالواتس تعال خذني العصر أو المغرب .. قال خليك عندهم مبطين منك أخوك وأهلك اقعدي عندهم .. حسيته يصرفني قلت اوك وطنشته .. وارسل لي رساله قال انا مشغول ماقدر اجيك العصر بمارس رياضه وباليل بروح للنادي وباطلع مع خويي ماراح ارجع إلا متاخر ..


وطنشته ومارديت هذاالكلام كان الظهر .. باليل ساعه 12 ارسل لي انه ماراح يجئ وبينام مع خويه في مخيم وانه تعبان ومشوار عليه الطريق .. !! عمره مانام برى البيت وطنشت وخليت أخوي يرجعني لبيتي ونمت لحالي يوم صحيت توقعته ب القاه موجود ولاحصلته واتصلت عليه .. قال أن


بعيد طالع مع خويي مخيم مدري ايش بجي بالليل متاخر ولاتكثرين اتصالات عندي خويي قلت طيب واجلس طول اليوم بروحححي لين الساعه 2 بالليل جاء .. دخل سلم علي وراح للغرفه وان كنت وراه وشفته يابنات مطلع جوازه من مخباه وحطه بالدرج علطول هو مانتبه لي لكن انا شفته .. وسويت نفسي ماشفت وجلست أساله أقول عساك انبسطت ووين رحت وكذا ؟؟


احسه يتهرب قال اي الحمدلله ويصرف يقول تعبان ودي أنام وراي دوام قلت وين كنت طالع استراحه ولا مخيم قال بعيددد وقام يصرف ؟؟؟؟؟؟؟


هينا انا شكيت انه مسافر علما أن بطاقته الأحوال ضايعه لها يومين قبل روحته .. وقال دوريها ودورت ومالقيت ف شكيت انه مسافر للبحرين صراحه !!!! ولا ليش مأخذ الجواز ؟؟


يابنات انا بنجنننن .. والمشكله اني ماوضحت له شي كنت ساكته ولاعلقت وخليته ينام وقام الصبح وراح دوامه ... يوم جاء شافني ساكته وهاديه ب العاده استقبل زين واسولف واساله عن دوامه هالمره من جاء وأنا ساكته إذا كلمني رديت وغيره ساكته ..

قال شفيك مطنشتني ؟؟ قلت عادي مافيني شي وسككت شوي بعدين قال أحس في خاطرك شي أكيد ؟؟ قلت مافي خاطري شي وراح دخل ينام ؟؟؟ ولاعلمني وين راح ولاعلق ولاقال لي شي وإذا حاولت أجيب الطاري علطوووول يصرررف ؟؟؟


بنات شرايكم أكلمه أقول علمني وين راح ؟؟؟ اواجهه !!! ولا وش أسوي تكفون مالي إلا انتم ولااطنش ولااسال بس انا أحس انه ماكان الراياض احسه مسافر ؟؟؟


نوروني وعلموني وش أسوي ؟؟