ومن يهن نفسه يسهل الهوان عليه
راجعي نفسك شوفي انتي في ايش مقصرة على عمرك انتي وواضح انك طيبة وعلى نيتك ومفكرة الناس مثلك
حبيبتي اذا شفتي الإنسان طبعه وأصله كريم هذا اكرميه مو خسارة فيه لأنه كريم وراح يعاملك ويكرمك طول عمرك حتى لو قصرتي معه.
وإذا شفتيه بخيل ولئيم لاتسكتين ابدا والله تموتين قهر ولاتتعبين نفسك تكرمينه وتعزينه لا لأنه هذه النوعيات للأسف يفكرون انك اذا خدمتيهم واحترمتيهم انك في حاجتهم وأنك مرخصة نفسك ويشوفونك رخيصة ولاحتى يفكرون فيك فانتي خلك قليلة ذوق مثلهم وللأسف يبدؤون يحترمونك ويقدرونك.
وهذه النوعيات انا عشت معهم وحافظتهم صم واذا فجأة اكرموك انتبهي تنخدعين تراها مصلحة فخلي معاملتك معاهم وحدة ومع الوقت يحترمونك
وواضح أن شخصيتك ضعيفة وزوجك مستغل ذا الشي تقولين مديون ومسكين طب لو مامعه ماكان يروح يقضي للشبعانين وانتي تتفرجي وساكتة اطلبي أغراض لبيتك على الأقل الأساسيات المفروض مايخلى بيتك يعني مثل البيض الجبن الدقيق الزيت هذه من الأشياء الي مفروض ماتفضى من البيت وانتي ساكتة وجالسة تراعي ديونه وهو مافكر فيها وقاعد يصرف على أهله مسوي نفسه الكريم وانتي حتى جبن ماعندك
اطلبي اغراض للبيت لاتسكتين واذا تعذر بديونه قولي محتاجة دبر نفسك مثل مادبرت نفسي بالخبر الحاف .
وأنا كنت مثلك اراعي عشان يحوش فلوسه وبالاخير يقصر علي انا واولادي وغيري يعطيهم بالآلاف واحنا نتفرج قلك يساعد ومن بعدها حرمت اتعاطف معه اطلب كل شي ببالي وهو مستغرب مني يقول ماصرتي تراعيني.
كثيرين راح يقولون لك أنه عادي
لكن بعض الأمور التافهه دلالة على الأمور الكبيرة فانتي حطي لنفسك قيمة ولاتحشمين ناس ماتستاهل الحشيمة والله يعينك.

اتوقع اذا ماقالولها شيء صعبة تنزل تفطر وتحرج نفسها

لكن ي صاحبة الموضوع اشوف الموضوع مايستاهل تكبرين السالفه ابدا
وانا حطيت نفسي مكانك بالضبط طبيعي انه بياخذ اكل لاهله وهم عازمينه ع الفطور صح مفروض انه اخذ لك صحن لتفطرين عليه لكن زوجك يمكن ماعنده حسن التصرف
وبالاخير اكيد بتعرفين تدبرين نفسك

بنسبة لقطعة الخبز لو مكانك برجعها له واقول للولد رجعها لعمك وقول تقول امي ماقصرت مشكور

والله يسخر لي زوجي وسخر زوجك لك وكل من قالت آمين