حركه وقحه يسويها زوجي كرهتني فيه 😭

السلام عليكم ورحمة الله
ببدأ بالموضوع زي ماتعرفون انا زوجه اولى
من يوم تزوج زوجي صرت حادة المزاج يعني لو يسوي زوجي حركه تزعلني ع طول اطنشه اخليه هو الجدار واحد وهذا الشي جننه حتى وانا نايمه بسريري كالجثه الهامده لا حراك حتى يتعدل وثم ارجع طبيعي وهذي طريقتي معه
المهم قهرني بعياله عيال ضرتي يجيبهم باستمرار وهم مزعجين وحركين ويقلبون البيت قلب تحملتهم سنين وكل مالهم بزود وصرت ازعل
المهم ذاك اليوم قلت لاتجيبهم انا طفشت منهم خلاص والله لو تجيب احد لاطرده من التعب اللي شفته
مسموح لك بالعزايم فقط
وزعل طنشته ورحت شتغل ببيتي وهو راح يجلس ع التفلزيون وولدي كان بالمشايه يلعب سحب سلك الاسيفر وجاء نازل على راسه وخبط براسه وصاح وانصرع من الصياح وهو جالس حضرته الموقف قدام عيونه يعني بامكانه ينقذه قبل يسحب السلك وهو عاجبه الوضع ويتفرج فيه لاشاله ولا شاف وضعه ويتشمت ومبسوط مبتسم بسمة صفراء كلها خبث ويقول لي احسن هذا ذنبك على عيالي شوفي ربي انتقم منك بولدك
شفتوا الوقاحه قلت طيب تراه ولدك حتى انت والله مانسيت نظرة الفرحه بعيونه
والان له كم شهر لو احد يقول هذا يوجعني يجلس يتشمت ذنب امك شوفي وصار بولدك والا وش صار فيك ذنبك هذا انتقام الله
وقح اقول له اللي يصير على عيالي يكون عقاب عليك حتى انت يقول لا بس عليك ذنبك على عيالي يوم منعتيهم يجون
اقسم بالله كرهته بعد هذا الموقف وعجزت اتقبله احس برجع لاشفته
لي كم متحمله عيالك واذاههم تخليهم عندي بالايام ولا فيه كلمة شكرا يوم رفضت انهم يجون بيتي صرت تدور اي شي على عيالي عشان تتشمت
والله بنتي تعبانه من اسبوع ماقدرت اقول لابوها عارفه انه بيفرح ويقول ايوه احسن هذا ذنبك
وش اسوي فيه حسبي الله عليه
والله ساعات افكر اطرده برا البيت وارتاح من وجهه
هو طيب ويتحملني بس كارهته مرررره بعد هذي الحركه الوقحه
دلوني كيف اتعامل معه وكيف اقدر اقول له ان هذا يعوره كذا او كذا زي اول
ولدي فيه حساسبه داخليه وتعبان منها وعجزت اقول له يوديه للمستشفى عشان مافرحه علي
احسه يدور اي شي عشان يتشمت
اخاف اقوله يفرح ويتشمت 😭
حسبي الله عليه
عطوني حل مع الزوج اللئيم الوقح