حرمة أخويا الله بس يهديها الله يهديها

والله يابنات هذا اللي حاصل من حرمة أخوي
يعني تخيلوا بيت أهله ملتزمين ولله الحمد في غير تشدد
وعيشتنا أحلى عيشة وأبوي باسطنا أحسن بسطة حتى بعد ماتزوجنا لاحقنا بخيره
هذا غير إن خيره عم ناس كثيرين ..
بس هذي حرمة أخويا الله يهديها بس مانقول غير الله يهديها
على قد مانحسن لها ..ولا نبغاها تزعل والله يابنات يوم زواجها أمي قالت كلنا نقط مع بعض وناخذ لهاهدية ثمينة
قمنا كلنا بالفم الواحد لا والله كل وحدة تاخذ هدية على كيفها وكلنا جبنا لها طقوم
ويوم حملت وولدت ببنتها جبنا لها هدايا ماحصلت مع انها ماقد فكرت تجيب لنا هدايا في ولادتنا يعلم ربي بكل اللي أقول

ويوم قرب زواجها إحنا البنات قلنا لأبوي خل التحف علينا وبالفعل جبنا لها تحف راقية بالمرة .. وأشياء كثيرة
كل هذا من فرحتنا لأخونا لأنه جا بعد سبع بنات ...
ومن أول زواجها نحاول نقرب منها بس هي تبغى تبين للناس غير كذا وتختلق المشاكل وتطول لسانها حتى على أمي
ماعلي إحنا البنات المهم أمي المسكينة اللي صابرة عشان تشتري خاطر أخوي..
وصل الحد بها إنها تكذب على عمتي أم زوجي وتقول إنها تسبني في المجالس وعمتي طيبة ويشهد ربي ماقد سبت في اللي تعدوا عليها واللي ظلموها ..كيف تسبني وهي تموت فيني تدعي لي بكل وقت وحين ..وتقول عمرها ماشافت حرمة بعقلي ..دايماً تقول إني عن مية رجال.... أمدح نفسي هاهاهاها
بسو الله إنها الحقيقة...
بس الله يهديها مرت أخويا حتى ماتحترمنا وإذا سافرت عند أهلي ماتجي تسلم علي..مع إني أموت على بنت أخوي نفسي أشوفها وأضمها ..
وتحاول تختلق المشاكل عشان تروح تنق عند الناس هي وامها إننا نغار منها ..لأننا مسالمين معاها انقهرت ..هي تبغى المشاكل بس عشان تقول إننا نغار منها .. وتتهمنا بالغيرة .. مع إنها مو زايدة علينا بشي بالعكس يمكن إحنا أجمل منها بكثير وفينا مزايا أكثر منها.. بس ليش كذا تسوي ما أدري... وصل فيها الحد تكتب في المنتديات وتسب سب الله لايوريكم وصل إلى حد الإتهام ..يعني بكل ساطة تكذب على أبويه وعلى زوجها كما أخويه كذب غريب
والله بعض المرات أحس الأطفال تصرفهم أحسن منها... كلام كله كذب.. حتى يوم كشفناها أرسلت لها على الخاص عشان تعرف إنها مكشوفة وراسلناها بالجوال..طبعاً ماقدرنا نكلمها لأنها تقوم تصيح وتتفجع زي المجنونة وتقومها قيامة ..وخفنا المشاكل تكبر أكثر من كذا ...فقلنا نخليها رسايل أحسن ... بس والله كأنا ما أرسلنا لها شير قامت أرسلت الرسالة علي مرة ثانية .. شوفوا الكيد كيف .. وعادي ما كأنها سوت شي تسوي فيها برود ويعني أنا ماني معبرتكم ...
والله إننا نسكت عليها مهما سوت عشان خاطر أمي وأبويه لأنهم تعبانين.. بس لما توصل الأمور لحدود بعيدة
يكون للكرامة حد معين.. أحياناً يابنات كرامة الواحد تعز عليه بس اش نسوي..
ادعوا لها يابنات ربي يهديها ويسخرها لأمي وأبوي...
أحس إن في أحد قاعد يعبي راسها .. الله يكفينا فيهم يارب
قولوا لي إيش نسوي معاها ...يعني تبقى حياتنا كذا طول العمر مشاكل وزعل.. نبغى نعيش حياتنا عادي زي الناس مو حركات كيد ومكر ...ولا نبغى نشوف الدمعة في عيون امي يكفيها عذاب السنين..
الله يعافيكم إيش رايك في كلامي أدري طولت عليكم بس الله يدري بالحال...