قولي انك مطلعه قرض وحطيتيه باسهم وخسرتي فيها ...


لاتقولين بحط في ارض او بيت الناس ماتعطي خير بس لاتعطينه نصيحه اخوي كان كذا دايم يطلب مني وهو موظف ومره مرفه حرمته وعياله واذا عطيته مايرجع السلف اخر شي صرت اقول ماعندي ماعندي شي راتب شغاله وسواق للمدرسه وقطات واسهم خسرانه فيها اخر شي فهم اني ماراح اعطيه وسكتت وشوفيه فعلا ماينفعني لو بشي والله انه يعزم ناس بعيدين وانا اخته وزوجي مايعزمنا مع ان مابينا شي مادري ايش فيه كذا طناش بس ماعلي فلوسي عندي اهم شي ماتحسف على شي واجد عطيته

مر علي موقف شبيه لك تماما
انتي بتساعدين اخوك وانسي تماما من بيركب فيها
ترا ماضيعنا الا الشيطان وحسدنا لبغضنا البعض
انتي بالعكس كذا بترفعين راس اخوك قدام مرته وتعزينه
بس يختي منتي ملزومة تعطينه سعر السيارة كامل
دفيه بمبلغ مثلا لو نص سعرها والنص الثاني الله لايهينه يستلف ويقسط
لكن لاتعطينه ابدا الا بعد ماتتكادين تماما انه جايب فلوسه ومستعد تماما يشري سيارة مو يروح يضيعها في خرابيط ثاني

شوفي تقدرين تاخذين قرض 30 الف مثلا وهو يكمل الباقي العشرين من عنده لو تبين تساعدين اخوك وهو حبيب وراعي فزعات أما لو خيره بس لزوجته وعياله وماهو قلبه عليكم مانصحكم وش انصحك فيه تطلعين قرض وتعمرين الارض الي من أمكم يابيت ياشقق أدوار وتأجرينها بهاك السعر هذا اللي بيبقالك ويساعدك ـ ووقتها ساعدي الي تبين من فلوس مشروعك ، طيب ليش زوجته ماتقسط له السياره براتب حافز لو ماهي موظفه ليه تجيه السياره برده مبرده وهو مهو بحاجتها يعني معه سياره من قبل ، انا اقول سوي الي قلتلك عليه وتوكلي

الاخوان اللحين تغيروا ماعاد هم سند الا لحريمهم بس

وما قلته من فراغ !! انا لي أخوان و شفت بعيني زوجته أهم من امه و خواته !!

حسبي الله على الحريم اللي يغيرون الاخوان على خواتهم !!

نصيحه لا طلعين له سياره افتحي لك حساب و ادخري لك للمستقبل ولا تخبرين أحد .. محد نافعك الا قرشك

ما ألومها لمى قالت ماتبيها تركب السياره ! ولا تمر ام زوجها و لا تسلم ؟!!! والله يافيه بعض الحريم ان فيهم نجاسه مو على أحد ..

مدامها رسميه وماجاكم منها شر ليش ماتبغينها تطلع فالسياره؟ ترا مرات القرب يجيب مشاكل اهم شي كافيه شرها خيرها واذا اخوك يستاهل خذيها تراه سندك ولك الاجر ان شاءالله
صدقيني بيرجع لك الاجر مضاعف بالذات ان راتبو ضعيف زي ماقلتي وماراح ينسى جميلك وانتي استخيري لانك متردده عشن لاتسير مشاكل بعدين او منيه