حرمت اخوي تبا الطلاق ومابقى شي للعرس والسبب انا ... انصحوني دلوني شسوي

السلام عليكم

بدخل في الموضوع بدون مقدمات لاني ماعرف شو اكتب

المهم سالفتي سالفه ...

اول شي انا كنت اداوم ومرتاحه فدوامي ... صدق انه صعب بس بعد احسن عن قعدة البيت

المهم كملت فتره اداوم نص راتبي واحيان كله يروح عند امي *حرمة ابوي* وبعد كنت راضيه

اني اطلع من البيت واغير جووو شوي في الدوام

المهم انا واخوي الكبير اللي وايد احترمه واعزة واحبه كنا مسوي حادث وكان عندي كسر فريلي

واخوي كان مسافر للعلاج برع والحمدلله رد بالسلامه .. المهم اخوي قالي لا تداومين تمي في البيت

وانا مستعد اصرف عليج بس انتي ريحي شوووي لان ريلي من كثر الحركه كانت تتعبني

المهم الحين كملت في البيت صارلي شهرين او ثلاث شهور ... كنت اوكي وكل شي اوكي يعطيني

مصروفي وكل شي اباه يسوي لي

اخوي كان خاطب والحمدلله ملج .. وحرمته اوكي ... ماعندنا اي مشاكل انا وهي بالعكس تحترمني

واحترمها ...

بس المشكله من اول ما ملج عليها اخوي تغير علي حتى مصروفي قطعه عني قبل كل يوم كان يحط لي

مصروووف الحين اتم اسبوع اثنين بدون مصروف ...

وكل ماكلمه يعصب علي كل ماتناقش ويه بعد يعصب ...

وكل ماقوله شي يقولي وراي بيت وحرمه وعرس ومصاريف .... انزين انا شو يخصني انا ابا مصروفي

المهم ... المفروض انه عرسه تاريخ 16/12 يعني باقي له اقل عن شهر نحن فدبي والعرس بيكون

في جده يعني ورانا سفر .... ومصاريف و رووحه لسوووق وسالفه

المهم صارلي كم يوم اقوله ابا مصروف ابا اروح السوق ابا اتشرا لين الحين ماشريت شي

وكل ماقوله يقولي حرمتي تشتغل وتصرف على عمرها ومادري شوووو *حرمته اهني فدبي وعقب بتسافر*

المهم البارحه صارت مشكله ي البيت بسبة المصرووف وسبة البيزات لان المفروض عندي امتحان

في المعهد ويبون بيزات للاكتحان وماعطاني ...

المهم صارت المشكله ونقاش .... هو طلع من البيت وهو زعلان

انا شو سويت ابا انتقم منه ومن حرمته .....

اول شي حرمته امها متوفيه يعني نفس سالفتي ... امها متوفيه ساعت الولاده وابوها اتزوج اخت امها

يعني خالتها ربتهم هي واختها واخوها ... عقب ابوها طلقها واتزوج وحده ثانيه

وهي من السعوديه يت الامارات هي واخوها يشتغلون هني ويصرفون على خالتهم واختهم ...

المهم .. يوم اخوي يبا يتقدم لها ابوي كان رااافض زواجهم يقول ان ماعندها اهل وكيف ابوهم يخليهم

في الامارات رووحهم ... هي كانت ساكنه في سكن مع بنات واخوها ويا ربعه في سكن روحهم

والبنت محترمه ... المهم تمينا نقنع ابوي لين ما وافق .. وقلنا له انها يتيمه ومادري شو كلام من

هالنوع ابوي اقتنع وصارت الخطبه والملجه ...

الحين البارحه يوم صارت المشكله شوو سويت انا اوني ابا انتقم ارسلت رساله للبنت على موبايلها

وكتب لها كلام الصراحه جارح بس والله غصب عني كنت معصبه وااايد لان ماكان عندي مصروف

والامتحان ضاع علي وكم مشكله كانت عندي المهم كتبت لها * من البدايه اهلي ماكانو مقتنعي فيج

ولا راضين انج تكونين حرمة اخويه لانج لقيطه ومن الشارع * اعرف الكلام جارح وكبير بس والله

قهر واول مره يطلع من هالكلام ...

المهم البنت اتصلت على اخوي وصارت سالفه والحين هي تبا الطلاق ...

انا الحين كل هذا مايهمني اللي يهمني اخوووووي احس اني خسرت اخوووي وجرحته من البارحه

وانا اشووف الدمعه فعينه احس انه يبا يصيح بس مايقدر ... احس انه مو متوقع مني هالشي

وهالتصرف ... احس اني جرحته ... لان هو يحب حرمته ويباها ... وصارت مشاكل بينه وبين ابوي لين

ماقتنع احس انه جاذف علشانها ... وييت انا عشن شي مايستاهل خربت من بينهم ..

الحين كلهم يبوني اعتذر للحرمه وانا مابا اعتذر لها ... احس ان هي سبب المشاكل كلها ..

اعرف اني انا الغلطانه بس بعد اخوي هو الغلطان وامي بعد لها دوووور لان هي اللي كانت تقوله لا

تعطيها وحرمته بعد لها دوووور

الحين انا ابا اصلح غلتطي بس بدون اعتذار ....

مع انه العرس مابقاله شي ومجزين ومرتبين ومختطين حق كل شي ....

واللي اعرفه ان البنت مصره عالطلاق بس الخبر لين الحين ماوصل لاهلها اللي في السعوديه

الحين قولولي شسوي ... اخوي مايرمسني