بريداويه أم الهبال @brydaoyh_am_alhbal
عضوة فعالة
حرمــــــنا من الزواج !!!! والسبب؟؟؟؟
السلام عليكم ورحمه الله وبركاته
مساكن الله بالخير
ياأخواتي أكتب لكن معاناتي وأهلي :(
فمن حكمته سبحانه ورحمته بعباده
أن وسيلته للوصول لعباده في المنام
لاخبارهم بحلول مشاكلهم
اذا نفدت كل الطرق
وبقي مابيده سبحانه
حنا 7 بنات و5 أولاد
والناس يناظروننا على اننا كثارين اللي راضين بعيالهم وكثرهم يرحموننا ياحول كثارين >>قاهرينن جالسين ع روسكم
واللي ذريتهم شويه >>>>> أصبنا بسببهم
أكتب لكن القصه من حيث النهايه ومنها ابتدأت السالفه
قبل اسبوع حلمت وأنا بحياتي ماأذكر اني حلمت الصراحه توحشت الحلم فيه حيوان وفيه أنا وأختي اللي أكبرمن (ندو)
يوم صحيت من الحلم قررت ماأني قايلته لأحد حتى مايقع
وحنا ع الغداء قلت لأهلي حلمت حلم يوحش ماراح أقوله
قالت ندو حتى أنا حلمت وقالت حلمه
وقسم يابنات انه بعد الغداء قلتله حلمك يشبه حلمي
قالت وشو حلمك: وأجي وأقوله وقسم يابنات انه بدت تصيح
حلمه نفس حلمي يعني نفس المكان والأغراض واللي موجودين ونفس الوقت اللهم الحيوان يختلف فقط لاحظوا بس الحيوان يختلف أنا توحشت
هي قالت أبفسر حلمي وفسرته قاله : أختس مريضه اللي هي أنا قالت :لا >>>>الحمدلله بكامل قواي الصحيه والجسميه الله يتمم علي وعليكم
قاله أجل كثرن من قراءه القرآن والأوراد وبس
عاد أنا بعده بيومين قلت أبفسر حلمي لأني عجزت وضاق صدري فتوكلت على الله وجزمت
ويوم كلمته وقلتله حلمي سكت الشيخ شوي بعدين بدا يقول لااله الاالله ويأخذ نفس عميق
وكرره ثلاث مرات يسوي كذا
أنا جتن الصيحه حسيته شئ خطير وأختي جنبي طارت عيونه تقول وش جاك
عاد بعده سألن قال متزوجه؟ قلت لا
قال مخطوبه؟قلت لا أصلا لي أخت أكبر من
قال يجون ناس يخطبونه ويروحون فجأه قلت ايه >>>>والله يابنات انه كثير يخطبونه خلاص ينتهي كل شئ ماباقي الا الملكه وكذا يروحون فجأه حتى حنا دايم مستغربين يمكن 8 عوايل
ولاخطبن أحد رفضوه أهلي يقولون فوقه أخته >>>>>مشكله
عاد قالي :ياأختي اللي بكم عين أكثروا من الرقيه الشرعيه والأوراد وقراءه القرآن
تدرن ليش تفسيره لي غير أختي >>لأن الحيوان الموجود في حلمي أشد من أختي
وحتى أمي تعاني من رجلينه كثيييييييييير يوجعنه ماهنا مستشفى مادخلته ولاشيخ يقرى وكوت رجلينه وحجمت
ومع ذلك يوجعنه
وجاء شيخ يقرى عليه بالبيت قاله :سبب وجع رجلينك هو بالأرحام جايهن عين
عاد جزمنا ان وحده من قريباتي عاينه أمي هي كبر أمي ولاعنده الا ولدين وبنت ودايم تقول حتى قدامنا اني دايم أقول لرجلي وعيالي ليتي صايره مثل أم محمد>تقصد أمي
بس أمشي وأضني >>>>>>قولوا ماشاء الله تبارك الله والله لايضر أميمتي بشر ويخدمونه ع الخير يارب
وتقول لأمي لاقعدت أنا وبنتي لحالنا أنواع الكسل بس أقول ياحظ أم محمد بناته كثار
عاد قلت لأمي بناخذمنه وأخذنا فنجاله ونوى التمر وسوينا لأمي عصير بماهن وتغسلت وأبشركم انهن خفن عليه مره
عاد نحتري تبدا الاجازه بناخذمنه ونشرب كلنا
لأنه الصراحه أحيانا تصير مشاكل بالبيت على أشياء تافهه ماتتصورن
ان هالسالفه بتسوي مشكله كبيره
لاتقولون كبرتوا السالفه واتهمتوا المرأه !!!!! لأن العين والظن بأحد لايدخل في الظلم والاتهام
ولااتهمناه عبث دايم تضرب بنا المثل عند كل أحد وقدام وجيهنا بعد >>>>شين وقوة عين
ولأنه حرام يمشي العمر بأخيتي وبي أنا بعده والناس يجون ويروحون وحنا نتفرج عليهم ولاناقصنا شئ ولله الحمدوالمنه
الحمدلله التزمت أنا وخواتي بقراءه سوره البقره
لعل الله يفرج مابنا مع أخذ الأثر
وعساه مايجي رمضان الاأختي ضافه عفشه
ومخفف ربي على اخواني ومفرج همومنا
ومذهب المشاكل عنا
وايااااااااااااااكن يااااااااارب
مقترحاتكن لمشكلتنا وحلولكن
لاحرمتن الأجر والمثوبه
وهل فيه آيات مخصصه للرقيه الشرعيه؟؟؟؟
وسبل الوقايه من العين؟؟
والعلاج منها ؟؟؟؟؟؟
57
4K
يلزم عليك تسجيل الدخول أولًا لكتابة تعليق.
şâƒia
•
الله يكوون بعونك يا اختي الله الله الله يكون بعونك تررى مالي خبرة بذي المواضيع نهائي بس حبيت اخش وادعييلك الله يوووفقكم ويبعد عنكم كل شر يا رب ويشييل همومكم ويا رب مع كل يوم حالكم يتحسن اكثر من اليوم اللي قبله ...<<اللهم اميييييين
http://www.alroqyah.com/vb/t10058.html شوفي ذا الرابط ممكن يساعدك يا اختي
http://www.alroqyah.com/vb/t10058.html شوفي ذا الرابط ممكن يساعدك يا اختي
صفايا
آآآآآآمين يارب الله يسمع منك
ويجعلك ربي ماتعرفينه طول حياتك
ولاتغفلين عن الأوراد
آآآآآآمين يارب الله يسمع منك
ويجعلك ربي ماتعرفينه طول حياتك
ولاتغفلين عن الأوراد
الصفحة الأخيرة
الرازق في السما والحاسد في الارض
الحمدالله القران موجود واقوى من كل عين والاذكار صبح ومساء