حريق مكة 1417

☺ في عام ١٤١٧ سنة الحريق الكبير اللي صار بمكه وقت الحج رحت احج مع زوجي واهله وفي جلسه روحانيه يتخللها طمأنينه وخشوع 🙇 كانوا الرجال في خيمتهم والحريم في خيمتهم كانت الساعه تقريبا ٩ صباحا وفجأه دخلوا علينا الرجال يصارخون حررريق حررريق 😨🔥 اللي اخذ امه واللي اخذ زوجته واللي اخذ اخته وزوجي كان في مكان بعيد عن المخيم طبعا رحت اركض وراهم ومااخذت شي معاي بدون شعور طلعت حتى بدون غطاء وكنت مااشوف نار بس اشم ريحتها ولما استوعبت تذكرت ان زوجي عطاني اوراق رسميه واشياء تخص الذبايح واشياء مهمه مجمعينها اخوياه ومأمنينه عليها وهو أمني انا عليها قلت برجع اخذ الشنطه وكانوا اهل زوجي ينادوني اررررجعي النااااار 😩🔥 ولما رجعت عشان الشنطه ضيعت الباب الي طلعوا معاه طلعت مع باب ثاني واهل زوجي كان يراقبون الخيمه وشافوها قبت وولعت نار ويحسبوني مت 😭 طبعا انهاروا وكانوا يصارخون ويبكون😭 وزوجي ياغافل لك الله 😂ولما طلعت كنت امشي بدون هدف كان المنظر مهول الناس في حالة هلع والنيران في كل مكان وريحة النار كاتمتنا والصراخ كان شي مرعب 😨💔 وقتها وانا امشي مع الزحمه لقيت باصات تركب ناس واحسبها انقاذ ورحت ركبت معاهم واسمع صوت الونانات ورانا تختفي بالتدريج وحمدت ربي انو بعدنا عن الحريق 😰 وبنص الطريق استوعبت ان هالباص تبع حمله اكتشفوا اني مو من ضمن الحمله ونزلوني بوسط الطريق 😿💔 نزلت والشنطه معلقه على كتفي ورجليني محترقه ومبقعه وماكنت حاسه فيها 😩💔 كان الوقت قبل العصر بشوي كنت امشي بمكان مافيه ناس ولا ريحة حريق ولا ونانات ولا شي رحت امشي امشي امشي كنت ادور شارع عام لانهم نزلوني بوسط حاره وطولت وانا امشي وماحولي احد واخيرا حصلت الشارع العام وانا في حاله صعبه جوع وحر وألم وبكاء وضياع 😰 لين وقف لي راعي تاكسي الله يجزاه خير كان كبير بالعمر وعلمته قصتي قال يابنتي انا تعبان ودوامي خلص خليني اخذك بيتي عند زوجتي واولادي ترتاحين وتتغدين وبعد العصر اوديك للمكان اللي تبين طبعا رفضت رفض قطعي لاني كنت خايفه 😕ووافق يوديني لمكان الحريق على ان المكان لسه خطر وممنوع دخول السيارات الصغيره بعدين قال بوقفك بااقرب مكان وانتي تصرفي وقفنا ننتظر احد يدخل عشان يقربوني لمدخل منى وحصلنا سياره عمال دنه مفتوحه 👨🙀 وركبت معاهم على طرف السياره وقتها كانوا يتكلمون العمال عن الحريق يقولون الجيش طلع والحرم تحوط كله عشان يحمونه لانهم خافوا الحريق يوصل له وبعدين وصلنا مدخل نفق المعيصم وقالوا انزلي لانه ممنوع ندخل اكثر من
كذا تخيلوا عاد هنا اللحظه اللي تروع النفق طططططويل واخره نقطه بيضاء من طوله وصوت الهواء المكتوم والسيارات المسرعه توكلت على الله ودخلت النفق مافيه الا الامن العام والشرطه والاسعافات رجولي خلااااص انتفخت من الالم وكلها جروح وبس ابي اركب لو بطرف سياره توصلني لااخر النفق وبعدين وقفت بوسط النفق لقيت سياره مكتوب فيها الحرس الملكي او شي زي كذا وانا بالنفق اسمع صلاة العصر ويجيني شرطي قلت ودوني لااخر النفق ورفض لانه خطر وقال بنركبك الاسعاف يرجعك لمكه وماسمعت كلامه وكملت طريقي ولما وصلت لااخر النفق كان على اذان المغرب طلعت من النفق لقيت موج من البياض الاف من الحجاج والحريق مازال مستمر 😭🔥قريت من بعيد لوحه تخص شرق اسيا دخلت بوسط الزحمه وتوجهت له لقيتهم يجمعون الحجاج التايهين الا احصل رجال كثار لابسين ثياب وبدل عسكريه ومن بينهم شايب لحيته طويله بيضاء الله يوفقه ويسعده يناظرني من بعيد وتوجه لي قال انتي سعوديه واقول ايه ايه مسكني مع كتفي وانا ارجف قال لاتخافين يابنتي انتي ببلدك وراح نحصل اهلك ودخلني داخل جزاه الله خير ونادى رجالين واحد منهم كان مستلم ولابس عسكري والثاني لابس بدله عاديه واحد منهم غامدي والثاني قحطاني اتوقع قال بوليكم هذي روحوا شوفوا موقع الحريق دوروا اهلها 😪 اخذوني وفروا فيني لين قربنا من الحريق وقالوا وين بالضبط ونجي لاارض سسسسوداء ماعليها شي قال هذا مكان الحريق والحريق غطى موقع كبير وماتوا ناس كثير وانا وقتها خفت على اللي معاي وقمت ابكي قال علمينا موقعهم بالضبط قلت ماادري قال مالنا الا نرجعك للمركز واهلك ان كانوا حيين يجون يدورونك هناك وتضيق فيني من جديد 😭💔💔💔 وحنا راجعين للمركز تذكرت لما احرمنا قبل ندخل منى واتذكر واحد من الحمله كان يقول حنا عند المطافي رقم كذا والله يوحي لي كلامه 😨❤️ واقول للعسكري قال يالله بنروح ونشوف وودوني عند الموقع اللي ذكرته يوم وصلنا له وانا اتذكر المكان وخيامنا وعينب ماتشوف الا الارض هي والسكه واحد هي وخيامها وناسها واغراضها ماافيه اي شي قال شفتي ماعاد فيه احد 😭 مع قطع الشارع فيه خيام ماجاها حريق اهل زوجي كانوا هناك والرجال متوزعين يدوروني وتركوا اثنين بنفس الموقع ينتظروني 😰 قال بنرجعك للمركز وجاني احساس بالضياع والخوف واحس خلاص مالي احد كنت منهاره 😭💔💔💔 يوم جينا نلف الا
سمعنا صوت ينادي ياااهيه الحرررمه اللي معاك ضضضايعه ياااهييييه 😦 لحد ماوصل عندنا قال انتي نوررره قلت اييييه ايييييه 😭❤️💔 وانا شوي واركض له واتعلق به ويقعد يهاوشني انتي وين رحتي وين اختفيتي ونروح للمكان وهو يصارخ ابششششروا بنوررره ابششششروا بها 😭😂❤️ وهو يسحبني مع عباتي 😂 وكلهم يصارخون ويتباشرون يوم وصلت لهم وانا اطيح عندهم من الجوع والتعب ويجي زوجي مرتاااع الا ورجلينه مربطه كلها شاش 😭💔❤️ كان يركض ويدورني حافي وتجرحت رجله من الارض الحاره يقول انا اللي مجنني حتى جثتك مالقيناها 😭😂💔 ويقرون ويسمون علي وجابوا لي ممرض يداوي رجلي 🔥💔كل هالبهذله كانت قبل عرفه بيوم وبالليل رحنا مزدلفه وكملنا حجنا والحمد لله على كل حال والله يحرمنا واياكم من نار جهنم ❤️




ملاحظة القصة منقولة من حساب سوالف هيونة بـ الانستقرام القصة عجبتني وحبيت انقلها لكم 🌹💞