البحلدزه ومااداك مالبحلدزه......
شف وانا اختك مير كنك داري انهم امرضوني جعلهم الماحي...
وش ترى للمعلوميه مايكثر البحلدزه الا المدرسات حقين الشباشب الطبيه والشنطه السوداء المنهريه .....(بس الله من الدراهم في ذا الشنطه)....والمكاسر فالاسعار...اللي يدخلون السوق وهم جايبين كل شعبهم وكل واحد يدور بذره تعبوا نفسيتي الله يقرفهم
هذول الاشكال مايهنالهم بال الا لين يبحلدزون فيك من الى ....
والله يا وحدتن ذاك اليوم بالسوق اصلا شكلها غلط مدري وشتبي...
انها تبحلدز في شغالتن سيرلانكيه وربي رحمت رقبتها جعلها الكسر لافتها باقوى ماعندها لزوم التبحلدز
ويوم دخلت ذا الشغاله المحل ....الا وتلتفت ذا المبحلدزه على على اللي معها وتقول لعنبوا بشرة ذا الشغاله تقل زبده مابها ولا حبه هههههههههههههههههههههه
وقسم اني في ذيك اللحضه مدري هو انا اضحك والا اصيح والا افقع وجهها لعنبو بليسها فاتحتن عيونها حتى بالشغالات
الله لايكثر ذا الاشكال

شوف وانا اختك ترى بحلدزتي في ذا الحرمه تختلف عن بحلدزة ذا الحرمه بالشغاله

عاد اذا جيت للصدز الرجاجيل من بحلدزة وحده او نص نظرة بعد ويجيب الخبر

مااالومكـ يوم يبحلدزون فيك
وانا حرمه ماسلمت منهم
قسم بالله نظراتهم اشك انها تعرفني والا مشبه علي

ترى مهب أي واحد يتكلم قصيمي يطلع يضحك

الشرقيه نقولها الشرقيه مهب الشرزيه الله يخلف
مهب كل قاف ننطقه زز

صادق نقول صادز يبحلق نقول يبحلز صح
بس الشرقيه لأ

والله ياخوي مدري كنت احسب نفسي الوحيده الي تطالع بس الحمدالله فيه احد
احب اتفرج وافصفص الي قدامي
لدرجة ابو الشباب وده يكويني في راسي عشان اعقل واناظر قدام
مانلام بعض الناس يخليك تقزه لو وشو
يعني احب اطالع في الشكل الغريب الي مسوي كدش وطيحنب بلوزه كلها كريستال تقل فستان واتحمد ربي على العافيه واضحك
في الزواجات امي تحب تاخذني عشان نتفرج تصدقون ما البس عدسات عشان اشوف زين
خلاص كثرت حكي
بس حتى الرجال فيهم نفس الطبع يعني الوضع عادي