حريم أخواني كرهوني حياتي/ يمنع حذف المضمون بالتعديل

ممكن اكون واقعيه معاك وماتزعلين ؟!!
معليش ابسألك
وش اللي اثبت لك انهم متزينين وكاشخين عشان يقهرونك ؟ من وين جبتي الفكره ؟
لاتخلين الغيره تعميك هالكثر شفتي اهل زوجك طارو بهم وبجمالهم وانقهرتي طيب ليه تحطين ناعم ؟ ليه ماسويتي مثلهم
مااشوف بالموضوع اي شي واقعي يثبت انها خربت عليك وانهم يكيدونك
انتي انسانه حقوده مع احترامي لك لانك باقي مانسيتي الموقف اللي صار لك منها اول
بعدين وش يثبت لك انها تحرش اخوك وفرقت عايلتك وتحرش زوجة اخوك الثاني !!
يمكن طردتك بسبب موقف سويتي ومنتي حاسه بنفسك يمكنك غاثتها بوجهها اربع وعشرين ساعه ماتفكين عنها
حصل لي موقف مشابه عجزت اتحرك ببيتي من اللزقه اخر شي طردتها وقلت اذا الوقت مناسب لي حياك الله غيره اعذريني
ماهم فاضين لك يكيدون لك لانهم واضح مبسوطين ومادرو عنك انتي اللي حارقه نفسك ودمك عليهم
اتركيهم واتقي الله وانتبهي من الظلم لان الظلم ظلمات وانشغلي بنفسك وحياتك واثبتي عمرك عند اهل زوجك تشيكي مثلهم

سؤال ::/ ليش تنادين حريم اخوانك؟؟ وش دخلهم بالسالفه دام العشا بسيط وعايلي؟؟ ليش مااكتفيتي بأهلك وبس؟؟
س// اول مره يروحون لمشغل بالعزيمه حقتك بس؟؟ او هذا طبعهم بكل مناسبه طلعوا لمشغل؟
وعادي خايك صريحه لاهل زوجك قولي وش المناسبه تعزمونها؟ اناا مابي احد يدخل بخايتي ومع حمولتي وهذي مرة اخوي مو اختي ولالي علاقه معها قويه
اذا فعلاً مالك علاقه قووويه
عندي سؤال ثاني بعد .. حريم اخوانك يعزمونك لعزايمهم ؟ مع اقرباهم او اهلهم؟؟ اذا اي ليش تزعلين وانتي بعد دلعي نفسك واكشخي واذا تخافين تروحين لمشغل ناديها ببيتك
والله يوفقك ويهدي قلوبكم وابعدوا الشيطان عنكم ترا هذي دنيا فانيه عليك بالعمل للاخره واستغلي العشر ❤دمت

من جد
مررره ملاحظة كمية غيرة بكلامك اعوذ بالله
ياختي في ناس حتى لو العزيمة ببيت بس فيه ناس اول مره بيشوفونهم او مايمنون عليهم يروحون مشغل يتعدلون وشكل حريم اخوانك جميلات ماشاء الله ربي يحفظهم من العين ففزوا فيهم اهل زوجك
وعادي هذي مرت اخوك وام عيالكم ماهي غريبة او عدوة تكرهين ان الناس تمدحها وترى مدحهم ومذمتهم لها تجرى عليكم بعد هي شايلة اسم اخوك
عالعموم مو لازم عزايم اذا هالشي يضايقك صيري رسمية معهم سلام وعليكم سلام وسوالف عامه واللي يضايقك منهم قوليه لهن لو سمحتي ماحب احد يصور عيالي مافيها شي




الله يصلح حالكم

الله يعينك عليهن وقفيهن عند حدهم واذ كادو لك
صادقي زواجات اخوانهم هههههههه خليكي ليكعه زيهم .
واذ اهل زوجك سألوك عنها تصددي ولاتمدحيها ولاتسبيها هههههههههههه

وطيب اذا اعجبوا اهل زوجك بزوجة اخوك وين المشكله
وماقلتي شي يثبت حقدهم
واذا صورت ولدك عادي كثير تصير ماترضين قولي ابوه يرفض احد يصوره
ومن ناحية طردتها لك مادري وش الموقف الي خلاها تسوي كذا
ماقلتي تفاصيل تفهمنا انهم فعلا حاقدين ومتفقين ومدري ايش