هلا اختي والله يصلح لكم النية والذرية
بالنسبة لأخوك الغلط راكبه من راسه لساسه مثل مايقولون واللخ يسخره لكم
بس تبين الجد انتي غلطتي لما جبتي طاري روحته لأهل زوجته المفروض طلعتيها من الموضوع
أنا ما أدري وش مر في باله بس حطي احتمال بعيد ان اللي جا في باله انكم تراقبونه أو أنكم تبون تفهمونه انكم كاشفين روحاته لأهل زوجته وهذا أكره شي على الرجال000( أنا ما أجزم لكن ممكن)مع اني متأكده انه بالصدفه عرفتوا هالشي بس الرجال ماله إلا الظاهر
أو ممكن عنده واحد من زملائة يشتكي من تصرفات اهله مع زوجته ولما جبتي الطاري دقيتي مثل مايقولون على الوتر
ويمكن يكون متضايق من سالفه وحط حرته فيك خصوصا انك جبتي طاري الغالين
ويمكن ويمكن اشياء كثيره ماتطري الحين على بالي

ياقلبي مافيه أحد قررررررررررريب من أهله مثل زوجي علاقته فيهم فوق الوصف لدرجة انه مسؤول عن الصغيرة والكبيرة وكل يووم لاازم يمر عليهم واذا ماجلس وطول وتسدح بينهم مايعتبر نفسه مر عليهم0000
لكن تعالي اذا رحنا لأهلي أنواع المحاظرات وياويلي لو أقول لأهله انه مر على أهلي أو أنه كلم ابوي او او او
ومررة قالت له اخته اذا رحت تودي زوجتك لأهلها قل لي عشان فيه محل هناك ابي اروح له قال لها أحس أنك تبين تتأكدين أنا أروح هناك و تخيلي قالها وهو منرفز00000000
غيير كذا مررة انشغل عنهم اسبوع مامرهم ومع انهم رافعين ضغطي إلا إني قلت له شرايك نروح نمر أهلك قال مشغول قلت تراك زماان مارحت لهم قال الحين هم اهلي ولا اهلك ماالك دخل اروح او ما اروح00000000 القصد اني اقول ان بعض الرجال مستحيي يردون على زوجاتهم ومايبونهم يحسسونهم انهم مقصرين مع اهلهم
حبيبتي اخوك الله يسخره هو ويا زوجته لكم ويرده لكم ردا جميلا
لكن نصيحه للمستقبل لو يقتل واحد منكم عشان زوجته نصيحه لاتجيبون طاريها 00 لأنه حتى لو كان يكرها راح يكون في صفها اذا جبتوا طاريها00000000
والله والله ماقلت لك هالكلام إلا لأني أعتبرك مثل اختي وأبي لك الخيير
الله يوفقك ويسعدك

غرشوب حبيبتي سبحان الله عندي وعندك خير والله اني مت من كثر التفكير واسل نفسي ليه اخوي تغيرت معاملته معنا .. اخوي ساكن في بيت اهلي ومره كنت نايمة عند اهلي وطلعت زوجته قبل الغدا مع اخوي اسئلها وين لانه كان وقت غدا قالت عني موعد وطلعت هي وولدها الصغير مع اخوي المهم ولاعاد شفنا اخوي الا على المغرب وجا بالحاله , سئلته بحسن نية وين زوجتك قال مالك شغل. تركته بكيفه جت الساعه 9 باليل وامي تسأل عن زوجة اخوي وقلتلها على السالفه , قلت تدرين يا يمه خلني اتصل على المستشفى واسئل اكيد ولده صار فيه شي وتنوم وفعلا كلمت المستشفى الي يراجعون فيه وطلع متنوم وردت على زوجة اخوي , قلت هلالا عسى ماشر وش فيه سلامات قالت ابد وصرفتني وجابتلي عذر كاذب ليه متنومه مع ولدها (العملية كانت في الاعضاء التناسليه وماكانو يبون احد يعرف بس مش بهالطريقة) المهم وقفلت زعلت امي مني قالت ليش ماعطيتيني اكلمها ارجعي دقي رجعت ودقيت وردت علي وحده متنومه معاها بالغرفة قلت وين ام فلانه قالت لحظه ورجعت تقولي مشغولة وقفلت المهم واخوي نايم بغرفته ولا يبي يقلنا وش السالفه رجعت انا بيتي. فجأه كلمني اخوي يهزئني من قالك تكلمين زوجتي في المستشفى ؟ قلت ليه فيها شي اذا سألنا ونطمنا عليهم قال مالك شغل وليه تزعجينها بالتلفونات كل شوي تكلمي قلت ما ازعجتها وحمقت عليه بصراحه ليه يكلمني بهالاسلوب وش غلطت انا فيه عشان يهزئني ومن بعدها قامت الحرب بيني وبينه لدرجة ان تقابلنا عند اهلي ورجع فتح لي الموضوع ومد يده علي وضربي بين اخواتي وامي بس اخوي الصغير الله يحفظه قام يفك يده مني . وانا مع ذلك والله اني خليته ماحاولت حتى ادافع عن نفسي وهو مستمر يطق فيني ومشحون ويده ماوقفت لولا الله ثم اخوي الصغير واخوتي وامي قاموا يصرخون
والى الان حاقد علي مايكلمني مع اني كل ما اشوفه اصافحه واسلم عليه وهو يمد طرف يده ولا يرد السلام
ليه؟ كل هذا
يعني انتي يا غرشوب انتبهي لا تطور علاقتك باخوك وحاولي مره ثانيه ماتجيبين طاريهم خليه لرب العالمين . انا تحسفت اني سالت عن ولده بس ماعاد اسئل عنه ولا عن زوجته ولا اولاده لا بخير ولا بشر. اعوذ بالله وما ادري هل السبب الاكبر من زوجته ولا منه

100%

السلام عليكم

حبايبي مشكورين على مروركم وكلامكم الطيب وكلامكم كلكم صح تعرفون ليش لانه ساعات البلا من الزوج وساعات البلا من الزوجه وساعات البلا من اهل الزوج !!!!!

يعني كل وحده تتكلم عن الواقع اللي هي تعيشه حرمه اخوي مب مثل حرمه اخوك واخوي مب مثل اخوك وامي مب مثل امك ووووو بنات نحن مانبغي شي منهم نحبهم نحترمهم ونحترم خصوصيتهم وعلى الرغم من كل شي نحسن معاملة زوجاتهم وسبحان الله كنه ماعندي هاليومين غير هالموضوع امس اخوي الثاني قاعده زوجته تشتكي من حرمة اخوي الصغير مب هذا اللي بيني وبينه مشكله لا واحد ثاني وهي جزاها الله خير جدا طيبه مع امي وخواتي وكلنا نحبها وتكلم زوجها وقعد يقولها انا قلت لك وانا ياما نصحتك محد فيه خير وانتي طيبه زياده ومن هالكلام كنه يلمح انها تسوي الخير لنا ولحرمة اخوي الثاني ولا يبين في عينا !!!!
رديت عليه وقلت له مادري انتو شو وجهت نظركم كأزواج وكأخوان لنا بس صدقني ترا زوجاتكم مثل خواتنا وغلاتهن من غلاكم وعمرنا ماشلنا على وحده منهن وكل انسان فيه الخير والشر والانسان الطيب يحصل طيب ونحن مب اغبياء نعرف معادن الناس ونعرف ان فلانه ( زوجته) طيبه وتحب الخير وجزاها الله الف خير واذا هي طيبه نحن بنكون لها اطيب واطيب وماظن صار منا شي غير كذا او شافت منا شي وماله داعي كل ماحد تكلم او جاب طاري حريمكم حتى لو بالخير او تلميح او حتى مايقصد كل واحد وكل نفسه محامي وصارخ ونازع ترا والله نحبهن مابينا وبينهن شي :)
تصدقون انه استحى وقالي والله ادري انكم تحبونها وهي بعد تحبكم بس شوفي موقف حرمة اخوك الثاني منها قلت له كلهن خوات ومعليه يمكن ماتقصد شي وانتي سوي خير وعقيه بحر وهي بكيفها بكره تعرف معروفك
يعني خواتي مثل ماقلت لكم الزوجه اللي تحصل لها اذن من زوجها وتحس انه معاها ضد الكل بالخير والشر بالصح والغلط ممكن تسوي اي شي بس الزوجه اللي تحس ان زوجها ممكن يوقفها عند حدها ويوقف اهله عند حدهم صدقوني بيعيش الجميع مرتاح

يشهد الله اني دايما احث زوجي على اهله وزيارتهم حتى عمامه وخواله وخالاته واروح مرات بنفسي وازورهم بدونه ومثل مااحب لنفسي احب لغيري بس تصدقون خلااااااااااص عمري مااشره على حد اللي يحبني بيجيني واللي ناسيني بروحله لما اقدر وبشوفه وبشوف عياله

الله يسعدك لا تحملين حرمة اخوك الذنب000 والله ان دموعي نزلت وانا حاسة بالظلم

انا زوجي زي اخوكي مقاطع اهله وهم صراحة مو طيبيين معاي ولا مع عياله لكن يشهد الله اني دايم الح عليه ازورهم واحيانا توصل لدرجة الزعل بيننا لاني احس ان هذول اهله ولازم يبر فيهم
والمشكله العظمي ان نفس الحالة يحملوني انا سبب مقاطعة ولدهم والله العالم بالخافي



بليز بنات لاتظلمون الحريم عشان اخوانكم يمكن العيب فيهم؟؟




بنات ادعو الله يحنن قلب اهل زوجي علي ويحنن قلب زوجي علي اهله ونصير عيلة وحدة 00 بالله لاتحرموني من الدعاء