حريم اخواني وش الحل معهم

طيب ؟ بسلامتهم ولا انتي تدورين الي يعور راسك

الحق ع اخوكي مش عارف يحطلا حدود
كل واحد بيتصرف حسب تربيته

اشترو راحة راسكم لاتدورونهم ولا شي اذا جو حياهم الله واذا راحو الله يستر عليهم وطنشوهم لاتعطونهم وجهه ابد

والله قلة حيا اللي تتعدا عمتها وتخليها اخرشي


هذي رساله منها انو طقوا موتوا مخليتكم أخر اهتماماتي!!!
اللي يقهر مو هي اللي يقهر السفيهات الثانيات اللي يمشن وراها


يعني بالعكس المفروض تكون بينهم منافسه لكسب مودة أهل الزوج !!


عالعموم السبب من اخوك لو هو كاسر خشمها ماسوت كذا

لاحول ولا قوة الا بالله معقولة مرة اخوكم تصرفها تصرف امرأة عاقلة عيب عليها والدنيا دوراة واكبر اهانة لها تسلم عليها بالأخير .



"الموضوع انها صارت تعاند بأمي تجمع حريم اخواني وتجيشهم لها وخلتهم كلهم منهبلين على امي ومقاطعينا"



أنتي قلتي تخليهم بصف واحد معها وضد أمك يعتبر فعلها فتنة وحقد وحسد وغير قطع صلة الرحم وعقابها من الله كبير

وحسبي الله ونعم الوكيل فيها تحرق أعصاب أمك من سالفة قديمة دخلي أحد من عائلتكم يا أما يصلح بينهم او يضع حدود لزوجة أخوكم تقدر أم رجلها على الأصول وتترك العناد والا الوالدة تتركها ولا تستقبلها وتقفل بابها عنها ولا فيها تجريح ولا شيء لولدها الا هو أخوكي .




أنتي والوالدة كلموا أخوك يجيكم على جنب من دونها وفاتحوه بها الموضوع وان ما فاد فيه ذكريه ببر الوالدين وهو يمشي بالطريق العقوق دام زوجته تهين أمه ويسكت .




وأنتي أختي تصرفك صحيح يوم سكرتي الباب بوجهها وقولي لأمك ها الشيء يعتبر أهانه لها وتقليل من قيمتها واذا أمك تركتها تسلم عليك معناته مو حاطه لكم قيمة ومعتبرتكم ولا شيء واعتقد هذا زوجة اخوكم

ماهي بصاحية الله يهديها ويصلحها ولازم أمك تكلم أخوك وتفهمة والعيديات الجايية او ي مناسبة امك يا تتركها ووتتجاهلها هي وزوجات اخوانك الباقيات او تطلعهم من بيتها وتعيد بأي مكان ثاني خلهم يجون يعيدون على الفضاوة بالله في أحد يتفرغ يوم عيد يغث مرة كبيرة حرررام .



"طبعا اخواني لا حياة لمن تنادي له وامي ما تبي تزعلهم وتضايقهم وتسبب لهم مشاكل،"

غصبن عنهم اخوانك بيردون لأمك ومافيها زعل ولاغيره بر الوالدين وين راح ذكروهم بها الشيء .

وما يتبعون زوجاتهم في الخطأ وهي حرضتهم كلهم هذا اسمه ضلم للأم ولمتى بتقعد حاطة بقلبها هي أم وتاكل هم ولدها وحياته صح بس الا بالخطأ اقول هنا ألف لا وتأخذ حقها منهم او تزعل عليهم لحد ما يعرفون خطئهم .





حبيبتي انصحك نصيحه لوجه الله وكأخت الحل يا اما مرت أخوك تعتذر لأمك وتتوقف عن تحرض زوجات اخوانك الباقيات او تكف خيرها وشرها لاتجيكم يكفي انها حارمة امكم من اخوك بالرسميات وهو اللي يماشيها بالخطأ .

فضفضي وريحي اللي بقلبك الأنسان اللي ما يفضفض ينكتم من المشاكل وتجي مشاكل أكثر .




أكيد حريم اخوانك ما تضمنينهم ماحد يضمن نفسه الا هو نفسه وهذا حال الدنيا زي ما قلتلك حطوا حدود او تصلحون بينهم وتجي تعتذر لأمك ,27 سنه عيب عليها الموضوع انسى من زمان المفروض ما تحقد .

ادعي لوالدتك ان الله يزيح الهم من قلبها ولا تفكر فيهم وفي مشاكلهم وخليها تقرأ دعاء الكرب - وتتحسب دائما لأنه الله راح يأخذ حقها .