حريم الاخوان بعضهم مريضات نفسيـآ

السلام عليكم كيفكم

انا عندي مشكله مو غريبه تعودنا على مشاكل الحماوات لكن مرة اخوي مو راضيه تتعدل

كلنا حريم اخوان واخوات ازواج لكن الي يسوون حركات حماوات ماااتوا ماااتوا من زمان

مابي اطول عليكم



عندي مرة اخوي من قبل اتزوج انا واختي وهي حاطه دوبها ودوبنا

اختي تزوجت قبلي ب3 سنوات وانا لي 3 سنوات متزوجه

وسوالفها من قبل نتزوج وساكتين لان ماكنا نعرف نتصرف حالتها غريبه من جد

كانت تجي عندنا 24 ساعه واخوي الصغير يطفش ويطلع من البيت وكنا عادي

بعدين صارت تجي وقت الغدا تشوف وش طبخنـآ وتاخذ لها ولزوجها وتروح بيتها وترسل الصحون الخدامه تغسلهآ

واحنا مستغربين وساكتين

وبعدين صارت تجي العصر ويجي اخوي معها ويتقهوون ويجلسون الين الفجر طبعآ عشآ تتعشآ عندنا والغدا تجي تاخذه وتروح بيتها تنام بس

المهم جالها ولد ونفس الشي نفست عندنا لان ابوها ماعنده حركات البنت تنفس عند امها ومالنا دخل بولد الناس وهالكلام

واذآ رحنآ عند احد تقول مابي اتعب امي وانا احنهآ احسن اولد عند عمتي !! واحنآ نسمع بس لاتعليق مصدومين

المهم بعدين ولدت وكبر ولدهآ وجابت الثآني ونفس الشي بس جات ولدت عندنا في البيت مو بشقتها لان بالولد الاول كانت بشقتها واحنا نروح لها والله حتى الخياطه مايخيطونها عيالها يجون صغار مره وتجلس 40 نايمه وتقول ترى مايصلح اشتغل قبل 6 شهور بعد الولاده !!!

بعدين صارت تروح عند الناس وتقول والله ماجاني العن من ولادتي في ولدي الكبير ماحد جالس عندي وكانوا يطلعون ويخلوني !!!!

تزوجت اختي وصارت اختي كل ماجات تسوي مشكله وتتبلى عليها وتروح عند اخوي تقول اخواتك جالسات ع النت ونايمات وانا اروح اساعد عمتي

وهي والله حتى بيتها تاخذ خدامة امي تروح تنظف لها

وع طاري التنظيف يوم حملت بالولد الاول كانت تدق ع امي تروح تنظف بيتهآ وتروح امي تنظف ونمسك امي وتعيي تقول بيت ولدي وانا ابغى رضى ولدي مو عشآنهآ

المهم قعدت تسوي حركات ماتنطاق وقبل اتزوج استقعدت لي وتسوي حركات بس مانقدر نتكلم لان لسانها يغطي ع حركاتها

تمثل انها اطيب وحده بالعالللم وانها ملتززممممممممممه وانها تحبنا طبعآ هذا بلسآنهآ لكن حركاتها كلها ترفع الضغط ومحد يتحملها

قبل زواجي حجزت كوفيره لنا كلنا ومرة اخوي هذي ومرة الثاني وع فكره مرة الثاني مره طيبه وتشتكي منها نفس الشي لان هذي ماخلت احد بحااله ابد

ويوم حجزت الكوفيره قلت لها تجينا باقاعده قالت اوكي بس بجي بعد الظهر قلت طيب يوم اقول لحريم اخواني قالت مرة الثاني لا خلي كوفيرتك يالله تخلصك وتخلص امك ومابنضغط عليكم

وهذي قالت والله لو انه ابوي بالقاعه ما اروح من الظهر !!!!!!

وراحت كلمتها وقالت لها الكوفيره بجيك الساعه 8 الصباح قالت لا خلاص تعالينا الظهر بس بالبيت واحنا بنفس العماره خلاص كنسلنا القاعه

المهم انا مادريت متى كلمتها ومتى صار هالشي وانها غيرت كلامنا عند الكوفيره وموعدنـآ

بعدين دقت علي الكوفيره تقولي دقت علي وحده اسمها كذا تقول انها تقرب لك وانكم بنفس العماره وغيرتي رايك مابتروحين القاعه واجيكم بالبيت قلت لا ماغيرت رايي تعاليني بالقاعه وتبغين تروحين لها بعد ماتخلصيني والا قبل موعدي بكيفك لكن انا ع موعدي قالت اوكي

وراحت لها الصباح زي ماقالت وقعدت بمكياجها الين الليل وانا نمت الين الظهر ورحت القاعه وجاتني هناك الحمدلله

طبعآ واجهتها وجحححححححححححححدددت وقالت الكوفيره كذآبه

( مدري مريضه نفسيآ والا مريضه نفسيـآ )

المهم تزوجت ولا كبر حقدها مع اني ما اروح لاهلي الا كل شهر ونص مره

وتقلد في كل شي عطر مكياج ملابس اي اي اي شي

احيآنآ اسوي حلا والا اكله وتاخذ طريقتها وتروح تسويها عند الناس والا اذآ جآهآ احد وتقول هذي طريقتي من زمان اسويهآ ههههههههههههههههه والله اني اضحك اذا سوت الحركه هذي تافهه مرره

المهم مشاكلها ماتخلص ولا تواجه بس تروح تشكي عند اخوي اخواتك واخواتك وهو يقولها تحملي عشاني وعشآن امي !! وش سوينـآ؟؟ مدري

بس معاد يهمني لاهو ولا زوجته لان هو طلع اتفه منها لانه عارفها انها تكذب وتجحد حتى هو تجحده وتكذب وهي عارفه انها مكشوفه ومع ذلك يصدقهآ !!!

واحنا والله ماشكينها منها بس صرت اطنشها مرررررررره ماعطيها ووجججججججججه واختي ترد عليها بس بأحترام

طبعا مرة اخوي الثاني حتى هي متأذيه منها وتروح تشكي لاخوي منها وهي والله حتى تستحي من خيالها

بس تستاهل الكل عاداها الحين ولا احدصار يكلمها

المهم راحت عند امي تقول انا احبهم زي اخواتي بس مدري وش فيهم علي

امي تشوفنا ان مانعطيها وجه وتدري عن حركاتها وراحت قالت لها معليه اسأليهم ليه يسوون كذآ

يوم رحت لاهلي قبل اسبوع الا تهاوشني تقول ليه ماتعطونها وجه

قلت انا مو زعلانه لكن حطيت حاجز بينا ومستحيل اكسره او اشيله لان هي ماسلمت منها وانا معطيتها وجه ولا سلمت منها وانا مطنشتها فعشان كذا تريح نفسها وتريحني


امس راحت عند اختي هي زوججها ( اخوي ) وتقول اختي مدري وش قالها اخوي وزعلت وقال اي يا فلان بن فلان ( قصدهآ ابوي) يعني تعاير اخوي بأبوي !!!!!!!!!!!

واخوي يقول شوفي فلانه تسب ابوي !!!

هي دايم تسب العايله في وجيهنا مثلا تقول اي ولدي طلع كذآ لانه من ال فلان ونسكت وزوجهآ الزلابه يضحك

بس الحين تقول حركات فلان بن فلان ( ابوي ) وش القلة الادب ذي وكيف نرد عليها وكيف نتعامل معها لاني تعبت منها وهي حيه تمثل انها طيبه ومسكينه وتقول انا ربي حطني في عايله تسئ الظن !!!!!!!


وع فكره ترى اذا راحت تشكي تبكي ههههههههههههههههه

ضربني وبكى سبقني وشكى <<< مثل قديم زي حركاتها



بالله وش رايكم وكيف اقدر اردعليها وتعامل معها

وتراها صعبه مره يعني الكل برى يموت فيها لانها تمثل الطيب والالتزام والطواعه وهي والله من جنب جنبها لكن ما نتدخل

وعندنا ياكااافي


ادري طولت عليكم واسسسفه بس مشكله غبيه وادور لها حل