ياحلوكم يابنات جيتوا على الجرح ترى يمكن الغلط مو من البنات والله احيانا من الخالة انا مشكلتي ان ام زوجي اذا قعدة معها تمدح في سلفتي الا ساكنة عندهم كل كلامها شوفيها وش تسوي شيء غير طبيعي تخيلوا الكلام الحلو قدامي انا اذا نمت عندهم ونزلت القهوة ماتنصب لي ولا احد يعبرني اذا انزلت طويلة العمر خالتي تجيب القهوة عندها وتصبلها وانا تقولي اذا تبين قهوة تعالي مع ان المجلس صغير يعني مهوب ضارها اذا مدت لي فنجال وبس انا والله مؤدبة شعاري في الحياة طنش تتنتعش جت على قهوة وشايفة نفسها علي مع اني احاول اعامها زين لدرجة ماتتخيلون بس والله كلة من خالتي الامكبرة راسها لدرجة انها تزعل عليهم وكن البيت بيتها والادهى والامر يابنات ان ام زوجي تذم فيها ذم قدام زوجي بشكل ماتتخيلون هي بس تقهرني مع ان ام زوجي دايم تصرح لي اني الغالية مثل بنتها دايم تتعيلي وان ام الفزعات وجرع المر واسكت واقفة مهعا بشك ماتتخيلون خلوها تقول انها بتسوي عزيمة وانا ساكنة بجدة واهل زوجي بالرياض اجي قبل العزيمه ارتب معها وادور محلات وما قلت وش دخلني عندها الحبيبة بس هي عارفة اني سنعة وحدة تمدح نفسها بس الا حبيت اقولة ان الغلط دايم مايكون منالسلفة ممكن الخالة تفرق وسلامتكم

لله يابنات انكم جيتم على الجرح , وانا والله محتارة مع اهل زوجي شاسوي معاهم علاقتي انا وياهم مد وجزر وانا اللي دايما اتنازل وامرر اي موضوع واقول لنفسي" فمن عفا واصلح فاجرة على الله " لكني مليت وابي حل ؟؟ امي اذا اشتكيت لها قالت اصبري وعاملي الناس بالطيب احسن وانا والله بعد مقتنعة بهالكلام بس مليت مابي اذارحت لهم اكون على اعصابي وهم تصرفاتهم عجيبة غريبة واحيانا كثيرة ماالقى لها اي تفسير والله حالة ان تركتهم مشكله وقطيعة رحم مع ان زوجي ما عندة مشكلة لو اخليهم سنين على اساس امة متوفية الله يرحمها والبيت فية زوجة ابوه واخواتة واكثر شي يشب كبدي ان زوجة ابوة تصير عمتي الاخت غير الشقيقة لابي وابو زوجي هو الاخ الاكبرلامي والله حالة وانا دائما في صراع نفسي وابي تكون علاقتي معاهم ضحك ووناسة وسعه صدر مو اذا زرتهم بعد وقت طويل الاول نبداء بسلام وسؤال عن الاخبار ومعظم الوقت ساكتين او كل وحدة تعلق على عيالها او تنبههم لاشياء معينة واككثر شي يضايقني ان حريم عيالهم راعيات المشاكل والهوشات الظاهرة وغير الظاهرة معاهم اذا جو لزيارتهم يصرون ودهم يشيلونهم عن الارض شيل ولا كان بينهم شي ابد ومزح ودلع بس اللي بالقلوب شي ثاني والله اني احبهم ولا ابي لهم ولي الا العشرة الزينة احيانا افكر اصارهم واسالهم اذا كان فية شي واصلهم عني علشان اقدر ادافع عن نفسي واحيانا اقووووول لااااا كيفهم انا ماراح اترجاهم علشان يرضون علي والله محتارة وابي نصحكم ولااحد يقول لي اصبري لالني صابرةمن عشر سنين ولا عندي غير الصبر بس انا ابي حل عملي ومفيد مع قناعتي باهمية الصبر والاحتساب بس ابي شي عملي مع الصبر مع العلم انياحاول اتقرب لهم وازورهم بالرغم انهم تمر 6او 7 اشهر ما زاروا بيتي وحدة من سلفاتي لها 4 سنوت مادخلت بيتي مع اننا بنفس الحي ما اقول لكم مد وجزر ابي النصيحة اللة يعافيكم

انا وحده اموت فيها من حمواتي بصراحه من زمان متزوجه وعانيت انا وهي سو بصراحه ذوق وحبوبه واما الثانيه فهي جديده واكرهها مااطيقها بصراحه لانها من يوم ماجات سارت تسوي بقرارات وحركات مالها داعي بتفرض شخصيتها واهي بعد تكرهني زي مااكرهها

حقيقة سلفتي علاقتي معها جيده بل بصراحه أحبها وهي جميله وطباخه جيده وعلاقتها مع الجميع ممتازه.......(لكن ماتدوسي لها طرف ).......أناعرفت طباعها وما تحب وما تكره أثني عليها عند أهل زوجي حتى لايكون فيه فرصه ويتحدثون عنها أمامي.زوجي سعيد بذلك لإنه يعرف أهمية ذلك لمستقبل أبنائنا

لا تعليق
لاني ذا ابتكلم بتعب كثير خخخخخخخخخخخخخ