حريم الكويت..لحقو تنزيلات لاغراض المواليد

السلام عليكم
شلونكم ؟
امس الله يسلمكم اول يوم في تنزيلات في لاند مارك وطبعا انا رحت لاند مارك اللي في منطقة الري بصراحه ملابس واغراض المواليد تهبل وقشيت الأكو والماكو من رخصهم يعني اسعارهم صارت تقريبا نفس اسعار الاسواق الشعبيه مع الفرق ان لاند مارك احسن ( الاسعار من 900 لدينارين ).. امشي واشيل بملابس المواليد خصوصا البنات لان ولادتي قربت وقلت لاند مارك عالاقل بضاعته زينه وتكد واحسن من الاسواق الشعبيه وحتى موديلاتهم تهبل.. طبعا غير اغراض المواليد .. الشفاطه ومنتجات بيجون وسيباميد وكل شي يخطر على بالكم .. والا السراير شي خطير بس هم غالين حتى بعد الخصم بس شي يسوا للي تولد ورا بعض وعندهم ستيان للرضاعه بعد بس نسيت اشتريه
يعني شريت كل شي ماعدا الكنابل واللفات والديباجات لاني للحين ماقررت شنو لون الغرفه اللي بولد فيها ومحتاره

ياليت اللي تعرف محل حلو وسعره معقول يسويلي طقم كفر ديباج وكوشيات وستاره ومفارش وديباج للطفل وطقم كامل لسرير الطفل تعلمني

المهم لاتطوفكم التنزيلات واعتقد بتخلص ب 26 الشهر

اي صج نسيت اقول ان كل اللي بلاند مارك روعه والمكياج خصم ومكياجهم يهبل غير الاكسسوارات والجناط وكوشيات السرير روعه .... الخ
والله مادري شقول بس صرت حوله يوم دشيته خصوصا اكسسوارات البيت
يمكن لاني من زمان مارحتله ومن زمان ماولدت ومستانسه على اغراض المواليد

تحياتي :26: