الدنيا صارت تخوّف والحريم تغيرن معد صارن مثل أول
أجل البنات انهبلن من تالي وماغير تصور يدينها ورجولها وتعرضهن لي عالمسن الله من زين هالرجول مستعده احلف إن رجول محمد ولد خالي أزين من رجولها
وهذي رديّة ( والله وصرت أفهم بعلوم البدو )
يا بنت يومك تطلعين صورة رجولك بالنت وش بتستفيدين ... ترى الأدب و الحيا من زينة الحريم
قالت والله إني عقلت ويومك ما تصدقين هاك الكراكتيرات براهين .. مانيب اداني التميلح وربي عليم
واقع نشوفه بالمنتديات .. شي عجيب البنت تخاف تنفضح بس مع كذا تصور والقهر انها وهي تصور دميجتها تغطي وجهها بكاب او بشوشتها يعني نفهم انك خايفه على نفسك وعلى سمعتك ؟؟ مالومك دام عقلك برجلك او ان وجهك ما يواجه تصورينه مثل شوشتك هالمتعربده والا رجلك هالسويدا .. و عموما اللي أعرفه إن فيه بنات مايتجرأن يصورن خششهن القبيحه فيصورون يدينهن ورجولهن وينشرونها بكل مكان .. وحده مصورة يدينها ومرفعه كمومها وحاطه مناكير أصفر و الثانيه مصورة رجلها وهي لابسه برمودا يا ربيه
عاد الغبنه صدق لا صارت مصورة ويدينها فيها شعر عاد ذي اللي مدري وش تحس فيه .! الرجال وهم رجال صارو ينتفون هالشعر وهي ما غير تسقيه ماء اول ما هبو بالتصوير الي يديها تفتح النفس تصور الي رجولها كشخه تصور الحين يالله دخيلك التصوير كل من هب ودب قالت مسكوني كاميرا سواء كانت الصوره سنعه او لا :mad: والي يزيدك غبنه انها تزيد غرور وكبره لا تبطحو هالشباب بالتعليقات عليها ومصدقه عمرها هالعنز وتلاقونها ما تحب تشوف خشتها بالمرايه علشان ما تنصدم بواقعها المرير انها عنز وتكرم العنز على اشكالها .. نجي للي تصور وجهها وتغطيه بشعرها او بكاب يعني دامك ما تبي احد يعرفك وش له هالخنبقه وحركات شوفني حلوه وهي تلوع التسبد .. قسم فاهمين الترزز غلط يعني احنا ناس هاي وياي وما نلعب وتللاقونهم يمشون ويصورن بكل مكان ويعرضون الزين والشين ومافيه عندهم الا حركتين حقت الاصابع هالي تطلع لنا اصبعين تقل ياسر عرفات والا تبرقع او تلبس كاب وتصور لنا هالدميجه .. ,وكله كوم واللي يطلعون سوبر ماركت او سوق الشعبي كوم ثاني .. يجلسن يستهبلن الي تركب عربه والثانيه تدفها والا يمسكن لهن طشت وتجلس فيه وحده ( يعنني هي اللي مخترعته ) والا الي يصورن بالسياره تقول لسواقهم دخل السيارة بالبيت وتركب فيها وتجلس تبطح وتصور يدها على الدركسون والا رجولها طالعه من الفتحه او على المرتبه ولا تضرب بدميجتها المرتبه وتصور يقال لها مسويه فيديو كليب
ايييه على حريم أول اللي مايرضون يطلعون إلا والشراب برجولهن .. ذاك اليوم قاعده اصور البزارين تذكرت جدتي الله يرحمها ويغفر لها انها تخاف مني إني اصورها .. من الستر .. حتى اني نكدت عليها الله يعفينا بس ويسامحني ربي ياكنت مغربتلها كل ماشلت كاميرتي<<طلعت عن الموضوع..
القبح مهوب عيب وخلقة الله لكن القبيحه تهجد في بيتها وتحافظ على نفسها مهوب ماغير تصور اصبعها الدّبي وهي كابه علبة المناكير عليه يعنني شوفوني أنا كيوت الله من القراوة
أموت على أفكارك يا أم أفكار اللي على اليسار الاخيره مدري وش تقربلهم بس الظاهر إنها أمهم وتحسفت إنها أعرست وجابت هالعاهات اللي عساها تنقرض لاريحوا نفسكم من الحين ولاتصورون بخلخال ( الله يلخلخل روسكن ) لأن بتجي الوردة الحمرا وتقلدكم .. يارب لك الحمد والشكر على نعمة العقل مير كل وحدتن صارت تجاكر الثانيه وكل وحده تقول الزود عندي .. وفيه ناس ( إمّعه ) ومع الخيل يا شقرا .. استعرضت فلانه راحت تستعرض مثلها .. ترى حلو الواحد يكون مستقل بشخصيته ويفكّر بعقله مهوب مع رجولة .. خليتس قدوة حسنة لخواتتس يالمهبولة <- باك تراك تراني اذب الحين أوكي ؟
برب أشرب ماء ريقي نشف
ترى قسم بالله درينا إنتس كشخه وتحبين الزين بس ارحمينا وريحوا عيونا من السبعطعشر الف لون اللي حاطته بعباتتس واللمبات اللي مركبتها أقصد اللمعات .. المشكلة إنتس قروية ولا تفهمين بالموضه و وأبصم بالعشرة لو شلتي العباة لقينا خلاقينك من سوق الشعبي وكله كوم والا الي تطلع مع خوياتها يشوفون من اكثر وحده لها معجبين مسابقة صارت مو سوق قلبو السوق من قضاء حاجات الا ملاهي وبارات والعياذ بالله ( وجه ملتحي )
إلا ذولي اللي يحطون صابون تايد مدري بطيخة فوق روسهن وبعدين يلفونها بالطرحة .. والله بنات مايختشوش تجيك الوحده وهي تمشي كنها جازورا من كبر راسها تذكرت الحديث " رؤسهم كأسنمة البخت .." اتقي الله يامرة .. كرهتوني بالسوق الله ياخذكم .. حتى الوحدة الحين تخاف على رجلها لا يطلع معها للسوق
باك بعد ماشربت جيك ماء
يله استلموا المايك وكملوا حش
كانت معكم خبيرة الحش وسوالف حريم
الا متأكده اللي يعرفوني حقيقي غير يعرفون نكي بالمنتدى تخبرون ماقفل فمي من الضحك على الأشكال ياربييييييييييه..هههههههههههههههههههههه