السلام عليكم ورحمة الله وبركاته
...........
مساء الخيرات والبركات
اسعد الله اوقاتكم بنات << الاخيرة لزوم السجع والا اني اعرف اغلبكم ماشاء الله مربيات اجيال ...
....
قررت والقرار اكيد ان شاء الله
ولو اني اشتغل في الحكومه كنت لزمته على كل بيت
مع اني كنت من اشد المعارضين لوجوده عند امي
وكنت اقولها ماله داعي والله لو يطيح في يد واحد معصب رحنا فيها هع
اقولكم وش هو وما ادراكم ماهو ( الســــاطور )
مقطع الاغنام ومكسر العظمات ومرعب الحلوات
اخاف منه خوف مثل المسدسات
والله لو اشوف عسكري في مكه معه مسدس مدري بندقيه ابعد عنه 7 امتار في نقزة وحده
وهالساطور لو اشوف امي تستخدمه اطلع براا المطبخ واسوي حالة تأهب بالبيت ولا احد يوطوط عند المطبخ
وتلقون عاد الصغار تبدى طلباتهم ابغي مويه ابغي آكل ،، ويماااااااه جوعان وبنتك ماتبي تدخلني الين امي تقول خليهم بلا وسوسه ويوم احس بدت تعصب افك الباب وانحش خوفي تأشر لي بالساطور خخخخ
المهم السالفة اللي خلتني اقرر اني امتلك ساطور
لاتتوقعون ان زوجي جاب لي ذبيحة ولاقدرت اقطعها
ولاتتوقعون ماعرفت اقشر البرتقاله وقررت امتلكه
ابد ابد
اليوم الصبح الله لايعود هالموقف
قمت من النوم الساعه 9 وربع مفزووعه من كابوس
والكابوس كان ثلاث بنقاليه يبون يدخلون بيتي وانا احاول ادق عالشرطة اثر رقم التسعة اللي بجوالي معلق:09: << كرهت جوالي خخ
المهم وماقمت من هالكابوس الا على صوت حرمتين بالشارع اسمعهم يصارخوووون صراااااااخ قوووة حسيت الدم تجمد فيني
كأنهم من البيت اللي جنبنا لأن صوتهم مره قريب
ويصارخون واضح انه صراخ استغاثه
احتري اسمع صوت رجال يجي يشوف وش سالفتهم
احتري الدفاع المدني قلت يمكن حريق
ابد مافيه اي احد
دقيقتين الا واسمع طراخهم بس كأنهم دخلوا داخل بيت يعني صراخ مكتوم شوي
وبعدين ماعاد سمعت اصواتهم
ولا دريت وش سالفتهم بس قلت اكيد حريق او حرامي
يوم جاء بعلي من الدوام قلتله يشوف فيه بيت محترق
مالقى اثار حريق << عاد تسني لزمت انه حرامي بسبب حلمي
يمه بس للحين تشوفوني مسكره كل الشبابيك
لأني قاعده دور ارضي وتخيلوا لو حرامي يبي يتخفى اكيد راح يطب عند اقرب بيت وحوشنا راح يعجبه << ياحبيبي
دعواتكم لهم انهم يكونون بخير
قاعده اقول لبعلي يااااارب انهم يكونون مشتركين بعالم حواء ويجون يقولون وش سالفتهم ،، مااظن ابعرف سالفتهم الا كذا لأن ماادري بأي بيت اللي صارخوا !! << وحدا الدعاء يكونون مشتركين معنا << هذا همها هع ..
من اليوم وانا ادور في المواضيع اللي عناوينها تدل على موقف مرعب صار اقول يمكن هالحريم نزلوا السالفة !!
لاتقولون يمكن حرمة تبي تولد ماظنيت لأنه صراخ حرمتين ومتوااااااااصل ومثل بعض ..
واضح انهم يبون فزعه
...عاد اكيد عرفتوا وراه قررت امتلك ساطور !!:icon33:
باختصار..
ياريت تعطوني افكار للطوارئ لاقدر الله
لأني والله لو اشم ريحة حرامي ماتحملني قدماي
فأبي شئ اقدر استخدمه وقتها ....
لني حسيت الصراخ مامنه رجا
ماسمعت احد فزع للحرمتين !!!
وبس ..
بروح اشوف البيض اللي اسلقه شكله فقس منذو مبطي مشعلله عليه ..ابي امخمخ عليه ,,..
سبحانك اللهم وبحمدك
اشهد ان لا اله الا انت
استغفرك واتوب اليك ..
لا اله الا الله ..
الله يجزاك خير ويغفرلك ولوالديك ...اللهم آميين
أتمنى
اتمنى
اتمنى
اتمنى
اتمنى
اتمنى
إنك تفتحين هذا الرابط
والله
لتحسين...واللا تدرين ..أحسن حاجه
.إدخلى الرابط وأنتي بتفهمين
http://forum.hawaaworld.com/showthread.php?t=2804512