حريم وبنات الكويت ممكن.....

معقولة يانساء وصبايا الكويت محد قادر يساعدني او يرشدني على مكتب يعطيني خدامة مؤقتة او رقم حرمة ممكن تؤجر لي خدامة......خاب ظني بكم مع الأسف عالاقل أدعولي أن الله يوفقني.
ياليت المشرفات يحذفون موضوعي لان الردوود تفشل .....

اختى ما عندى اجابة لسؤالج

بس ممكن تدقين على مكاتب الخدم من خلال ارقامهم فى الصدى او الوسيط

و الله ييسر لج الخادمة الزينة

و الله يوفقج فى امتحاناتج

أختي الغاليه

انا مقدرة ظروفج و عسى الله يعينك

أنا اللي أعرفه ان مكتب أشكناني يقدر يوصل لك لمكتب ثاني مليان من المرتجعات ، و أنا أخذت منه خادمه

و بالنسبة للخدمات اللي تبينهم بدوام جزئي ممكن تسئلين أي وحدة تشتغل مدرسة من أهلك و خليها تتفق مع وحده من الفراشات "الشغالات" بالمدرسة . كلهم يشتغلون بارت تايم بالبيوت .

بس تبين نصيحتي ... لا تاخذين وحدة بارت تايم و تخلينها مع عيالج و تطلعين لو شنو كانت ظروفج .. خدامتك اللي اهيا خدامتك من سنين لا تأمنين عليها مع اليهال بروحهم هالمره ما تعرفينها !! يمكن تكون حرامية أو تواعد أحد بالشقة أو أ, احتمالات وايدة من اللي نسمع عنها و تخرع .

نصيحتي لك أخذي عيالك و الخدامه اللي بتييبينها و وديهم عند الةالدة أو أختك أو أي أحد من أهلك . أهيا تهتم باليهال و هم تكون تحت عين و بمراقبة أهلك .

و عسى الله يوفقك يا رب و يحفظ لك عيالك

عندي رقم مكتب يعطي خدم مؤقتين
أدوره وأعطيج أياه

هلا والله فيكم وأخيرااا أحد رد علي وعبرني:
بريسم كل الشكرر لك والله يجزاك خيرر ياعزيزتي
باشاميل أنا معاك وكلامك مضبوط وأنا بصراحة صعبة بالنسبة لاختيار الخدامات وحكررة عليهم وماأعطيهم وجهه ومع كل هذا ماعندي ثقة فيهم ..
أعترفلك مشكووورة عالرد وأنتظر الرقم...