حريم وش الحل مع الشغالة ؟؟

الله يسعدكم
انا من النوعية اللي تخلي الشغاله ماتحتك بأحد ويعلم الله اني موفره لها تغيير الجو مثل تروح تمشى معنا او اذا رحت بعيالي لملاهي او مطعم معهم وبنفس الوقت منبهتها ما ابغى كثر الكلام مع شغالات ثانيات ولا مشاكل لانهم للاسف نرحمهم وهم يخربون على بعض وبنفس الوقت تكلم اهلها كل يومين واقول مايخالف الله يرحمنا برحمته مدام من فلووسها بكيفها وبالمناسبات ما ننساها مثلها مثل عيالي

مره لقيتها تكلم شغالة الجيران من الشباك وقلت لها لويدري صاحبها بيشكيك يا لزوجي او للشرطه ليش تطلين على حوشهم ولا هذا مايجوز وثانيا ليش تكلمين الشغاله ولو اشتكى انتي اللي بتتمشكلين وعلمتها هذا مايجوز ونصحتها
اليوم قلت لها انزلي جيبي جوالين الماء من حوش العماره وانزل عيالي معها المهم يوم طلعت كل الجوالين الا رجعت انا قلت يمكن فيه شي وارجع انزل عيالي
الا يلقون شغالة الجيران واقفه معها ومو من جنسيتها لكن تكلم عربي وتسأل شغالتي
متى تنامين
متى تقومين
تاكلين زين والا لا
يخلونك تشوفين التلفزيون والا لا (حسبي الله عليها تخريب عينك عينك )
المهم يوم شافت عيالي طلعت بسرعه ودخلت تكمل شغلها بالمطبخ ماقالت لي شي وجاء ولدي بالمدخال وقال شفتي ياماما شغالة الفلان تسولف مع شغالتنا قامت اضحكت وقالت ايه انها تسألني وانا مارديت عليها بس اقلب يديني يعني ما افهمك (اجل نازله لها ليش ما ادري ) حطت ان الشغاله هي اللي تعترض لها
علما ان جيراني الله يعافيهم ولايبلانا مايهتمون بلبس شغالاتهم ولا حجابهم حتى الشلحه مايلبسونها تلقين الوحده ملابسها الداخليه مبينه تحت القميص والناس يجونهم بشغالاتهم وهم يجرجرونهن من بيت لبيت يعني مو خبره خبرات
وانا اغطيهن بصراحه والبسهم قمصان فضفاضه
اليوم انبتها وقلت لو اسمع مره ثانيه انك مكلمه تحملي اللي يجيك
لكن احس انها بدت تجرأ وهي تبغى الشغل وخوافه لو او ديها عند احد فو شرايكم لو تكرر منها هالامر لاني جيراني راعين مشاكل ويحبون الكلام واخاف هم يقولون شغالتك خربت شغالتنا تصير مو بعيده عنهم وبنفس الوقت ما ابغى كل اخباري عند الجيران او شغالتي تخرب من حقي
ولا احد يجي يقول ماترحمون حتى التلفزيون تجلس مع عيالي من باب انها تلاطفهم واسكت مدام مخلصة شغلها واقول الرحمه زينه
فوالله انها مضيقه صدري