حزام كروشيه . . . بألوان زاهية مفرحة . . .

اشرايكم بالحزام الكروشيه اللي سويته حق بنتي . . .



وأنا اهني فارشته على الأرض ، لكن باللبس هو وايد أحلى . . . وهو طويل بس مو مبين بالصور . .

وأنا كنت شايفه صورة لحزام حاطته إحدى الأخوات مشكورة في أحد المواضيع واحتفظت بالصورة والباترون لكن ما فهمت شيء من الباترون لأنه مو واضح ، . .

فألفت الحزام اللي شفتوه . . وهذه صور أخرى من قريب . . .





****************

الأدوات :

خيط الصياد ( السمك ) / خرز بأحجام وألوان مختلفة . . .

الطريقة :

ما في طريقة ، الشغل ما أخذ مني وقت بالمرة . . ، لكن ترتيب الخرزات والكور وتنسيق الألوان هو اللي ياخذ وقت طووووويل . . . خاصة أن التفاصيل في الصورة غير واضحة . .

الحزام عبارة عن سلاسل ، كل لون بمفرده أولا ثم مسافة يشبك كل لون بما سبق بغرزة حشو ، ثم سلاسل مرة أخرى ، ولازم تدخلين الخرزات في الخيط قبل ما تشتغلين . . أهم شيء تحددين اللي تبينه . .



وهذي صورة تبين الترتيب اللي اخترته للألوان والخرزات والكور . . .

*****************



وهنا يظهر تشبيك الخيوط مسافة صغيرة معا بغرزة الحشو ، وذلك ليعطيها التماسك والترابط نوعا ما . . في الصورة اللي خذيت الفكرة منه لم يكن كيفية تشبيك الخيوط واضح . .

*******************



كور من نفس الألوان لكن بحجمين كبير وصغير محشية بكيس نايلون خفيف عشان الوزن . .
وطريقة عمل الكور تجدينها هنا في موضوع الأخت الفاضلة لحظة عمر . . .

http://forum.hawaaworld.com/showthread.php?t=610747

*********************



وهذيلي عبارة عن ( معداد الحساب انكسر . . . واستغليت حباته ) ، أما الخرزات الوردية فهي اللي شريتها عشان الحزام . . !!!!

*********************



أما هذي فعبارة عن خرزات كانت اسوارة قديمة حق بنتي الصغيرة وكنت محتفظة فيها لعل وعسى ، وفعلا كانت ألوانها مناسبة فاستغليتها . .

*********************



وهذي آخر صورة . . . إن شاء الله عجبتكم ، وفهمتوا الفكرة . .

***********************

أووووه ، نسيت في بعد صورة الحزام اللي خذيت منه الفكرة ، وحاولت أقلده . . .



وأي سؤال أنا حاضرة . . .