ددد @ddd_5

عضوة جديدة

حزت بخاطري مادري شالحل

السلام عليكم حوائيات،
بغيت افضفض احس اني متضايقه. اهلنا يوم نجتمع كل نهاية اسبوع ننقسم جلسات الامهات بصوب والبنات لحالهم والعيال والاطفال وكذا المهم، تقريبا الحين كل البنات الي بسني تزوجو وإلا كم وحده وغالبا ما يجتمعون معانا يكونون ملتهين بالامتحانات والدراسه ماشاءالله عليهم مهتمين بالدراسه بس انا احب التجمعات العائليه والسواليف بس هذي الايام يوم اجلس مع البنات يجون خالاتي ويقولولي يفلانه لا تجلسين مع البنات طلعي وروحي جوفي البزارين انا بالبداية رحت على بالي انهم محتاجين حد يقعد معاهم بس بعدين قالت لي امي ان خالاتي يقولون عيب كيف افلانه تقعد مع البنات المتزوجين وان لهم سوالفهم الخاصه انا الصراحه حزت بخاطري وقلت لامي سوالفنا عاديه وانا بالاصل خواتي يكونون معانا ولا مره حد قال شي خاص. كانت عندي بنت خالي وايد اقعد معاها بس ملكت من اسبوعين ويقولولي لا تجلسين معها خلها مع البنات المتزوجات عندهم خصوصيات ونتي بعدك على هالسوالف صرت ما احب اروح الجمعه اقعد مع منو يعني اجلس بالبيت ازين لي جتني الغمته منهم وامي معاهم بعد مع انه قبل محد يقول شي.
بس اتوقع انه بسبب مره كانو يقولون شي وقالت بنت خالتي انتو كيف تقولون كذا قدامها مع اني والله ما انتبهت ع شي وشكلها قالت لخالتي وصارت السالفه منغمته بشكل :(

يلزم عليك تسجيل الدخول أولًا لكتابة تعليق.

تسجيل دخول

دياري sa • 4 سنوات

روحي وغيري جو لا تنغلقين
اذ عندهم شي خاص يقلونه بعدين بالتلفون
وش هالخرابيط انا بزوج عيالي وهذاي اقعد مع ناس ماتزوجوا

دياري sa • 4 سنوات

حرام الكلام بشي خاص للمتزوجه وغير متزوجه

أولادي أغلى ماعندي • 4 سنوات

اقعدي معاهم ولا عليك منهم
قلك سوالف متزوجات
هم اللي يقفلو فمهم وسوالفهم مايقولوها
مو انتي اللي تبعدي عن جمعتهم
وخالتك لاقالتلك روحي عند البزارين
قوليلها ليه هم بزاريني عشان اروح انتبهلهم
كل من يقوم يشوف عياله
لاتصيري الحيطة الهبيطة بينهم
ولو شفتي البنات اللي ابتعدو عن القعدة معاك
لاتروحي لجمعاتهم وخلك في بيتك

ددد • 4 سنوات

دياري sa :

روحي وغيري جو لا تنغلقين اذ عندهم شي خاص يقلونه بعدين بالتلفون وش هالخرابيط انا بزوج عيالي وهذاي اقعد مع ناس ماتزوجوا

روحي وغيري جو لا تنغلقين اذ عندهم شي خاص يقلونه بعدين بالتلفون وش هالخرابيط انا بزوج...

الله يرزق اهلي هالتفكير :)

امطار الشتاء ☔ • 4 سنوات

أولادي أغلى ماعندي :

اقعدي معاهم ولا عليك منهم قلك سوالف متزوجات هم اللي يقفلو فمهم وسوالفهم مايقولوها مو انتي اللي تبعدي عن جمعتهم وخالتك لاقالتلك روحي عند البزارين قوليلها ليه هم بزاريني عشان اروح انتبهلهم كل من يقوم يشوف عياله لاتصيري الحيطة الهبيطة بينهم ولو شفتي البنات اللي ابتعدو عن القعدة معاك لاتروحي لجمعاتهم وخلك في بيتك

اقعدي معاهم ولا عليك منهم قلك سوالف متزوجات هم اللي يقفلو فمهم وسوالفهم مايقولوها مو انتي اللي...