حزينة جداً ومهمومة..اللهم لا أعتراض على حكمك

السلام عليكم ورحمة الله

مشاركاتي كلها كانت بقسم ( تأخر الحمل ) والحمد لله انتقلت لقسم ( الحمل والأمومة )

لكن واضح أنوو الله مو كاتب لي تكمل فرحتي .. :( الحمد لله على كل حال

أنا توو بأول الأسبوع التاسع ..وأمس كنت عند الدكتورة وقالت لي الكيس بدون جنين

وعمر الكيس 6 أسابيع .. لما سمعت هالكلام والله تغيب عقلي عن الواقع ..

حتى كان في اسئلة بـ اسألها ونسيت من الهم اللي قالته .. المهم طلبت مني أعمل تحليل هرمون الحمل

بس من الضيقة اللي فيني طلعت بدون اسويه ..طلعت وأنا أداري دمعتي ما أبي ابكي قدام زوجي

لكن بكيت وشكيت همي وحزني لله ..

وللعلم ما أحس بأعراض الحمل ابداً من الوحم .. إلا أني أحس بثقل في جسمي وألم ظهري بس

ومافي اي افرازات تنزل علي ..

المهم يا بنات .. احكولي من تجاربكم أو تجارب اللي حولكم ومعارفكم..

الله يجبر قلبي ..