حزينة على حالتي لأنها بدأت تأثر بولدي (فضفضة)

السلام عليكم ورحمة الله وبركاته

كيفكم خواتي الحوائيات؟
يعلم الله اني ما عندي احد اشكيله الحال غيركم
الحمدلله خواتي واهلي مايقصرون لكني ما احب الفت نظر احد لحياتي واشغلهم باموري
مشكلتي يمكن البعض يعرفها اني ساكنه بجده و زوجي يشتغل بمنطقة لا يمكن السكن فيها فتاركني عند اهلي
الحمدلله صابرة واسال الله الفرج لكن الحين الي جد علي وكسر ظهري وعور لي قلبي ولدي الكبير
عمره سنتين و9شهور ومتعلق في ابوة والله اني ابكي واصيح على حالته
اذا دق الجرس يروح يجري يفتح الباب ويصوت بابا وكل ماشاف احد من خواله بيطلع يعلق فيه
والله وبدون مبالغه انه يتمشى في البيت وهو شايل حذيانه ودايم يردد( بابا راح) رغم انه متاخر بلكلام الا ان هالجمله دايم يرددها وقبل فتره جاه انتفاخ في بطنه ولا عاد ياكل حتى ما يتكلم ولا يقول بابا ولا ماما ولاشئ وبس يبكي ويتحلم بالليل وجاته سخونه انا ظنيت ان السبب غيرته من اخوه لاني توني والد لكن خالتي مداويه ولمن شافته قالت لي ان ولدك الي فيه جايه من شهوة لاحد يمكنه مشتاق لابوه والله اني صرت اصيح وحزنت ماتخيلت في يوم ان وضعنا ممكن ياثر فيه كذا والله انه يجلس عالشباك ويسولف بابا بابا ويخربط بالكلام ويمسك لعبته الجوال ويسولف كانه يكلم ابوه وعيال اخواني لانهم ينادون اخواني بابا صار هو مثلهم ينادي خواله بابا
انا ماعاد ادري وش اسوي كيف المفروض اتصرف وكيف اعوضه عن فقدان ابوه
احيان اجلس افكر باليتامى وش احوالهم و وش احوال الارامل؟ واحمد ربي عالنعمه
الفترة الي يجي فيها زوجي يتمسك ولدي بابوه بشكل مو طبيعي ولايبيه يتحرك لو يطلع من غرفه لغرفه لحقه واول مايشوفه لبس ثوبه راح يجري وجاب حذيانه
بنات من فيكن مثلي؟ وايش الحل برايكن؟