حزينة و محبطة جدا

السلام عليكم و رحمة الله و بركاته
أخواتي الكريمات لقد سبق و أن استشرتكن في مشكلة سابقة و قد استجاب الله لدعائي بفضل نصائحكن
فكل الشكر من قلبي اليكن

الآن أنا أشعر بالاحباط و الحزن و الرغبة في البكاء , أضحك و لكن لاخفي ما في قلبي عن الاخرين

أنا متزوجة من سنة و سبع شهور و للحين ما صار حمل عندي و لا مرة
رحت الدكتور و سويت فحوصات كتير و كلها سليمة و زوجي كمان ماشي حاله
تفكيري بقصة الحمل و الاولاد صار ينام و يصحى معى و ما بتمر لحظة الا و هالموضوع في بالي

و أحيان كتير تصيبني حالات من الاكتئاب و خيبة الامل اني ما رح جيب اولاد
أنا خايفة كتير و بفكر بهالاشياء هاي بشكل مستمر حتى اني دايما معصبة و بعمل مشاكل لزوجى حتى فش خلقي بس على الفاضي

والمشكلة انه سلفتي (مرت أخو زوجي ) حامل جديد و كل البيت بيعرف و أنا الوحيدة اللي ما حدا خبرها و عرفت من الجيران
حاسة باني غريبة و ما الي مكان بيناتهم
مع انه ممكن خبر متل هيك يفرحني و يشجعني بقصة الحمل بس للاسف خابت آمالي بزيادة لأنهم بيخبوا و بيداروا بالموضوع

الافكار براسي ملخبطة و ما بعرف شو أعمل

ساعدوني