حزينه جدا ادعولي

السلام عليكم ورحمه الله وبركاته

رح ادخل بالموضوع على طول انا واخواني عددنا 4 ولد و3 بنات انا اكبرهم عمري 20واخوي اصغر مني بسنتين واختين في الإبتدائي من يوم وعيت عالدنيا وانا اشوف امي وابوي يتهاوشون وانا كنت قريبه من امي حيل ابوي كان بالأسم

كل شي نبيه من امي حتى فلوس منها هي تشتغل وحنا ساكنين مع اهل ابوي بنفس العماره اهل ابوي مايحبون امي بالذات عماتي دايم يقولون لأبوي طلقها

شاء الله وابوي قبل سنه طلق امي وامي راحت لأهلها حسبي الله عليهم مايبونها راحت لأخوها قال لزوجته لاتفتحين لها الباب اهلها اللي هم خواتها اتحملوها كم شهر بعد كذا امي تزوجت لأن حست نفسها ثقيله عيا احد ياخذها

ومن يوم ابوي درا بدأت المشاكل اللي مالها اول من تالي يرسل رسايل لأمي كلام بذئ واتهجم على زوجها وحرمنا منها فتره وفضحها في شغلها كل يوم يجينا يسب فيها وانا يوم بكيت قلي امك ساحرتك وش هالحب الله ياخذك انتي وياها بيوم واحد

بدأ يعاملني انا اكثر شي بقسوه لأن امي تحبني اكثر وحده كل يوم لازم يهزأني بسبب وبدون حتى لو خلصت طبخ واهو بره يهاوشني ليش خلصت واهو بره وانا والله حالي حال نفسي اعرف اطبخ الحمدالله وبس في غرفتي لوحدي

والله يعامل الخدامه احسن مني لو غلطت مايقول لها شي وانا مايخلي كلمه مايقولها فيني وقبل كم يوم يقول لأخواتي امكم فيها وامكم ويشوه سمعتها عندهم علشان نكرهها ويقول انا شينه مثل امي ويقول اكرهها الكلبه علي

وامس انا ماكنت بالبيت دحل غرفتي يفتش اغراضي وانا مخبيه كم صوره لامي اخذها شقها والله ماعمري خليت احد يشك فيني واليوم قال روحه لأمكم انسو طبعا حنا نشوفها في بيت امها

قال تنسوها مابيكم تروحون ولا مكان وانا مادرس خلصت ثانوي وجلست في البيت ان طول الاسبوع ماشوف الشارع بس يوم اروح لامي في الاسبوع هالحين بتصير الحبسه اطول

امي اخد كل فلوسها وذهبها خرجت بدون فايده وبخيل مايعطينا مصروف يقول خل امكم تصرف عليكم والله امي من يوم كانت على ذمته هي اللي تصرف علينا

امي اشترت سياره وماحولها بأسمها هي بأسمه واليوم يتفق مع زميله انه يدق على اخوي انه من الشرطه ويبيه يشهد على امي انها سرقت السياره

والله مابيد حيله مابغى اتحرم من امي والسجن اللي انا فيه كل يوم يدمرني واهل ابوي مغسلين ايدهم من الموضوع ادعو لنا يتصلح حالنا ويحنن قلب ابوي علي لأنه مايحبني يعاملني نفس معاملته لأمي زمان