التويتر يقدر الواحد يشوف حسابات وسخه بدون مايتابعهم ولا يتابعونه حسبي الله ونعم الوكيل احسني الظن وان شاء الله خير كلنا نخطيء ونغلط ونتوب ف انتي زوجك مو نبي مايخطيء تراه بشر اذا الله غفور رحيم سبحانه انتي سامحي طالما ماوصلت لخيانه جسديه وادعي له بالهدايه

طيب تخيلي معاي انك واجهتيه باسلوب هادي وحضاريوش تتوقعين ردة فعلة؟! 
بيقوله لا والله معاك حق انا اسف وغلطان ؟! 
ردة فعلة المتوقعه الانكار وبياخذك بالصوت وبيقلب السالفه عليك 
ولو واجهتيه بقول ليه تدخلين وتتلقفين ويمكن يقول تستاهلين لانك نبشتي وراي وتنقلب عليك ويحكيك بوجه طلق وبدل مايسويها وراك تصير قدامك ويروح الخوف اللي كان يخليه يمسح وينظف جواله كل ليله قبل ينام لانه عرف ردة فعلك 
صاحبتي سنه تجمع ادله وتصور لمن واجهته قالها ايه فعلا عشان انقذ حياتنا وسوى دراما قال مهدديني بالسحر واسايسهم سالفه ماتنبلع بس مالها رد 😁
انا اقول ارعبيه نفسياً 
سوي نفسك كارهته فجاه واللي على راسه بطحه يتحسس عليها وبيجي يراكض وراك ويحاول يعرف شفيك 
وتضايقي من مسكته للجوال لين قالك شفيك قولي تجيني احلام مزعجه الله يستر منها 
احلم فيك لو سالك وش بتسوين قولي لاتحاول تتخيل وش يصير حتى لو منتي قد الكلام والتهديد انا اشوف الحيله انسب شي مع الرجل والشي ذا عن تجربه 😘
الرجل بمجتمعنا مايشوف انه يعيبه شي والعلاقات السرية للاسف مجتمعنا حللها له زيها زي التعدد الحلال للاسف

الله يجبر قلبك يا أختي بس ليش تفتشين وراه ليه تتعبين نفسك!

دام ظاهره الاحترام هذا ذنبه ستره ربي

إذا كان طلع بالفعل مع الحريم يبي ينكشف دامك طاهره الله جل وعلا ما يخلي الطيبيه عند الخبيث وينكشف لك

وإذا على التفرج كل الرجال يتفرجون النبي اللي جاء بالوحي من الله
يقول ماجعلت بعدي فتنة أضر على الرجال من النساء

ادعي إن الله يهديه ويصرفه والله يصبر قلبك وليتك ما دورتي لعله ذنب يتوب منه وأنت غافله عنه

لاتواجهي وانتي حامل نفسيتك ماراح تتحمل وانتي محتاجته جنبك ادعي الله يصرف عنه الحرام ورتبي امور ولادتك ولاتنشغلي عنه بالحمل ولا بالنفاس مكالمات ورسايل وغيره وبعد الولادة فيك حححيل للمواجهه استخيري

ماعمري
ماعمري
سمعت وحده فتشت ورى زوجها ومااكتشفت بلااااوي من ورآه 


ايييييييه حبيبتي لاتشيلين هم
كل الرجااااااااال كذا 
لو زوجته ملكة جماااال 
راح يدور ويشوف غيرها


صدقيني لو واجهتيه ماراح يتعرف
وبيقولك حساب صديقي

المواجهه والله ماعمرها فادت احد
بيسير يأخذ حذره اكثر ويسوي من ورك

ومااتوقع يقابل ويطلع مع بنات
اغلب اللي كذا فضول بس وأتوقع زوجك منهم 

الحل في نظري 


طنشي وانتبهي لصحتك 
وعيشي حياااااتك هالرجال ماراح يجيبو لنا غير الهم 

90 في الميه من الحريم عندهم نفس مشكلتك

الحل الوحيد هو التطنيييييييش