حساسه + كتومه = العبره خانقتني !! ساعدوني حوائيات

بنات حواء ساعدوني تكفون ..! 

زوجي كثير السفر ( سفر عمل ) ، وانا بمدينه غير مدينة اهلي انا بالرياض وهم بالقصيم .. عيالي اكبرهم 5 سنوات .. 
امي متوفيه ( الله يرحمها ) ومافي بالبيت الا ابوي واخوي وزوجته !! مالي اخوات ..
كنت اذا سافر اروح لاهله( يمكن رحت لهم مرتين او ثلاث ) 
لكن اهلي اروح لهم رسمي بالحج !! لكن ماارتاح ابداً .. زوجة اخوي كثيرة النقد ماعندهم خادم يعني انا اطبخ واغسل و3 اطفال وعيال اخوي ينزلون كل الوقت وابوي يحتاج عنايه من غسيل ملابس وطبخ ويتضايق لو أأخر غسيل الصحون .. لانه بكل بساطه هو اللي يزين كل شي بنفسه !! وانا ودي ادلعه فترة وجودي عنده ..
ومرة اخوي حكايه ثانيه !! تنقد تربيتي لعيالي تقول لي بس تصرخين عليهم وبس تهوشينهم .. وانا بسسس ساااااكته ياليتني اتكلم علشان يطلع اللي بخاطري .. 
وانا فيني عيب اني حساااااسه ولا اقدر ارد عليها خوفاً على مشاعرها واصلاً مااعرف افشل احد ..! 

الزبده / ان زوجي يبي يسافر بعد اسابيع وهو مو راضي اجلس في البيت مع اولادي مع ان جيراني مايقصرون ابداً معنا وبعد مو هذي المره الاولى اللي بجلس فيها في البيت .. جلست قبلها في رمضان 3 ايام وهو مسافر.. 
يقولي وش السبب اللي يخليك ماتروحين عند اهلك وانا مسسستحيل اقوله الاسباب اللي قلتها لكم ..! 
ومخيرني يا اروح لاهله او انزل لاهلي ..!
وانا موراضيه اروح لاهله لسبب / 
اخاف يقولون ليش ماتحب اهلها .. وليش ماتحب تسافر لهم !! مع انهم طيبين كثيرر وشايليني فوق روسهم الحمدلله .. ( بس حتى ولو )

ضايق خلقي والعبره خانقتني .. وكل شوي والشيطان ( طالع لي ) يقولي : لو امك موجوده كان كذا صار حالك ؟! عاااد انا شكلي يصير كذا  !! 

ادري طولت عليكم بس نكفون خفوفي عليّ وعطوني حلوووول !!