حساسه و في نفس الوقت شديده

يا أخوات أنا مشكلتي عويصه ياليت تصغون لي
أنا حساسه جدا ولا أحب العداوات ولو بودي صارت كل الناس أحبابي
لكن . . الناس هالأيام صارت قلوبها صخر ناس تجفي وتعاديك بدون سبب وناس تسمعك الكلام الجارح من غير سبب واضح , وناس تسيئ لك بعد إحسانك لها, وناس تدبر عنك بعد إقبالك الشديد عليها وهكذا صفعات
والمشكله يا أخوات أنا ما أرد على أحد إذا أساء لي لكن أنصدم وأرجع لبيتي مصدومه خايب أملي وأطحن على نفسي أعيد وأزيد أخطط للرد ثم أتراجع وأعيش في معاناة نفسيه لدرجة إني أحيانا أحس بآلام في جسمي
لكني أصبر أصبر وأكتم واتجاهل , ثم أنفجر غصب علي , بعد ماتتكرر الإساءه , وإذا انفجرت مره شينه , لأن انفجاري يحطم كل شي
لأن انتقامي يوجع المسيئ لي وبعد كذا أشعر بارتياح نفسي لفتره زمنيه
لكن بعدها ومع الوقت أشعر بصراع داخل نفسي . . أحيانا أقول : أفضل كذا انتقمت وانتصرت لنفسي ووقفت كل من يسيئ لي عند حده . . وأحيانا أخاف اني مع الوقت أخسر كل علاقاتي مع الي حولي . . :(
إيش رايكم يا أخوات . . أتمنى اسمع الرد منكم