السلام عليكم ورحمة الله وبركاته
بقولكم قصة وليدي بعد ما ولدته وكمل ثلاث اسابيع صار يستفرغ كل الحليب اللي يشربه استفراغ مخيف ينزل الحليب من فمه دفعه وحده مثل البزبوز ووديناه الاسعاف والحمدلله لحقنا عليه في الوقت المناسب صار عنده ضيق في مخرج المعده وكان متسكر تماما الحمدلله على قضائه صلحنا له عمليه توسع مخرج بواب المعده وضبطت اموره وكبر وصار وش حليله
والحين عمره 11 شهور لكن ها الايام صارت ترجع له الحاله هذي بعض الاحيان وراجعت به المستشفى عند دكتور جهاز هضمي اطفال قالي مكان العمليه كويس بس يمكن عنده تحسس من حليب البقر ولازم يشرب حليب مخصوص من غير بروتين ووصف لنا الدكتور نوع حليب ارلينوفا من نوفولاك ووصف له دواء يحضرونه بالمستشفى .... وبعد معاناة وانا ابحث في الصدليات لقيت الحليب لكن ولدي ما تقبل طعمه .. مع انه احساسي يقولي ولدي مو مشكلته بالحليب لكن مدري ايش سبب الاسفراغ ها الايام .. يستفرغ كل يومين او ثلاث ايام .. وبعد ها الدواء التحضيره اكله جدا قليل وما يتقبل جميع انواع الطعام يقولي الدكتور انه ممكن الاكل يسبب له حموضه بالمعده وعشان كذا يرفض الاكل .. بس لما اقطع الدواء منه يصير اكله كويس وقابليته افضل
ابي اسئلكم من مر عليه ها الحاله وولدها في تحسس من حليب البقر وايش اعراضه ..
ولدي فيه اكزيما برجوله ، نومه بالليل قلق يتقلب كثير .. نومه قليل بالنهار واحسه يرهق نفسه مرره ما ينام بسهوله في النهار ..
افيدوني الله يجزاكم خير
naaano @naaano
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
حليب البقر لازم الاطفال يجيهم مشاكل مته كل الاطفال كذا تتعب الام عشان تحصل حليب مناسب للبيبي
لان اصلا حليب البقر يجيب استفراغ او امساك او اسهال وطبعا المغص
الله يعين
خلاص عطيه حليب اللي كتبه له الطبيب اذا ولدك مرتاح عليه
وىلاكل عطيه شي خفيف عالمعدة بسكوت فارليز روعه خفيف للمعدة
والله يعينك لاتعطينه اكل رسمي بس عطيه بسكوت فارليز طبعا اخلطيه مع مويه دافيه وعطيه بالملعقه وعطيه شوي سيريلاك نكهة الارز خفيف
لحد مايتعود
وعطيه موية زمزم والله يعينك