السلام عليكن ورحمه الله وبركاته
طبعا كلن عارف شروط حافز انا ماراح اطول عليكم انا عمري 36 سنه يعني راحت علي هي لساسا راحت علي من زمان في هالوطن
انا خريجه بكالوريوس علوم من 12 سنه او اكثر حالتي الماديه صعبه منت احلم اني اغير من حياة اهلي واساعدهم بس ضاع الحلم وكرهت ملفي الاخضر وانا مافي مكان ماوديته وتوفى ابوي وهو سايق تاكسي ولا تهنا بشهادتي وفرح بتعليمي الله يرحمه وتزوجت وزوجي على قد حاله والله اللي يبقى من الراتب من بعد القروض والديون والايجار الفيييييييييييييين بالله وش تكفي له انا عندي 5 الله يحفظهم ومريت بظروف صحيه وجمعت وتسلفت وقدمت خادمه املا في الوظيفه لاني ماعندي احد لو اتوظف مين يقعد البيت الله يعطيني خيرها ؤيكفيني شرها اللحين لها 7 شهور وطبعا الحلو انها تقول ماما خلي راتب بعدين ماتدري ان ولا شي لها عندي افكر ابيعها علشان ما ابي اظلمها
لان للاسف مافي وظيفه ولا لالالالالالالالالالالالالالالالالالالالاحاااااااااااااااااااافز اللي كنت حاطي املي فيه والامل بالله كبير
اللي جاهم عليهم بالعافيه هذا اقل حقوقهم بس انا وين حقي في هالبلد تعبت وابي الدعااااااااء منكن والله ان محد يدري عن احد وانا وحده عافه نفسي انا عطر ماعندي لدرجه احيانا يمر ايام عيالي ما عندهم فسحه بس الحمدلله الحمدلله الحمدلله
زوجي سايق ليموزين والله مسهله بالرغم انه ماخذه منا بس الحمدلله على كل حااااال
ادري بتقولون طيب وش تبين
انا والله لي كم يوم ضاقت فيني الوسيعه بس حبيت اكتب وودي بنظرون في شرط العمر ليه كذا انا ام وجامعيه او اميه والله المفروض لي حاافز
واخيرا اشكر كل وحده تقرا فضفضتي وتدعيلي بالستر والحفظ لي ولعيالي وزوجي ويالله اني اكون باره بامي ياكررريم
ودعتكن الله
الريم ستار @alrym_star
محررة برونزية
يلزم عليك تسجيل الدخول أولًا لكتابة تعليق.
الفجر الصافي
لاتيه
الله يجزاكن خير ياحبايبي وما عيش الا عيش الاخره الله يبارك فيكن ماقصرتن
لاتيه
الله يجزاكن خير ياحبايبي وما عيش الا عيش الاخره الله يبارك فيكن ماقصرتن
تراها والله حاجه في نفسي وطلعتها ماابي اسولف مع امي ولا ابي احسسها بشي اللي فيها مكفيها
الصفحة الأخيرة
الله يسهلك اللي فيه خير ويستركم فوق الارض وتحت الارض ويوم العرض