السلام عليكم ورحمة الله وبركاته
يعلم الله اني ماكتبت موضوعي الا من حرتن فيني انا بقولكم قصتي وعذرا على كلامي العامي تخيلوا يابنات يوم كنت بالكليه ماطلع من محاضراتي دايم وانا مرتزة فيها ومواظبه عليها ماقد طلعت ابد وصديقاتي دايم طالعات يتمشن بهالاسياب واذا جت الاختبارات خذن ملازمي وكتبي يخططن منها وينقل محاضراتي وانا ساكته ومنثبره :06:مسالمه جدا وتدور الايام ونتخرج واجيب تقدير جيد جدا ونسبتي فوق 80 وصديقاتي اللي ياخذن كتبي تقديرهم جيد الى الان حلو انا شاطره وهن يعني مو كثير ونتخرج وتمر السنين ومادري الا كل سنه تتوظف وحدتن منهن وانا جالسه بمكاني والله العظيم اني يوم اتخرج وانا ماتزجت واللحين اكبر عيالي بثاني ابتدائي وش السبب لكل هذا انا مامعي واسطه زيهن طيب وشو ذنبي اني مامعي واسطه وين راح سهر الليالي وين راح جلوسي بهالقاعه جعلها للخفس طول هالسنين وش اسوي انصحوني وانا والله اني محتاجة الوظيفه بالحيل لدرجة اني قمت استرزق بكل حاجه اقدر اسويها مابقت تجاره مادخلتها قلت لعل وعسى اقدر اكسب لي شي لاكن الحظ غبر الشكوى للي ماتنام عينه يدبرنا بدبرته ماقول الا حسبنا الله ونعم الوكيل على كل موظف اعطى رقمي ومكان وظيفتي للغير فيه رب مايضيع احد حسبي الله على من ضيع الامانه وخانها مايدرون ان فيه يوم حساب بنتقابل جميعا عند الله
ادري اني طولت عليكم لاكن من زود الحره مارتبت حتى الكلام اسفه للاطاله
حور 00 @hor_00
عضوة جديدة
يلزم عليك تسجيل الدخول أولًا لكتابة تعليق.
كلي امل بالله
•
الله يكرمك من واسع رزقه
لعله خيرة لك ،،
وترى الحياة موكلها وظيفة ،،
والله قدمت على وظيفة والأن أقول من كل قلبي الحمد لله إني ماتوظفت ،،
لأني أيقنت بأن عيالي أولى من عيال الناس ،،
وصدقيني الوظيفة للحرمة لابد تكون على حساب العيال والبيت،،
الرازق الله عز وجل ،، والوظيفة سبب للرزق ،،أسأليه بأن يرزقك من حسث لاتحتسبين ..وأكثري الأستغفار
فقط تأملي هذه الأيات يالغالية,,
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))..
وترى الحياة موكلها وظيفة ،،
والله قدمت على وظيفة والأن أقول من كل قلبي الحمد لله إني ماتوظفت ،،
لأني أيقنت بأن عيالي أولى من عيال الناس ،،
وصدقيني الوظيفة للحرمة لابد تكون على حساب العيال والبيت،،
الرازق الله عز وجل ،، والوظيفة سبب للرزق ،،أسأليه بأن يرزقك من حسث لاتحتسبين ..وأكثري الأستغفار
فقط تأملي هذه الأيات يالغالية,,
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))..
الصفحة الأخيرة