حسبنا ونعم الوكيل فية اكرهه من كل قلبي هذا عدوو مو ابو

السلام عليكم ودي افضفض معكم يا بنات واطلع الي بخاطري والله احس اني بموت من الضيقة وكل هذا من الشخص الي حتى ما يستاهل اقول عنة ابوي انا تزوجت ولد عمي وعندي منه toty (لطيفة) ومن خذتة وانا كل خناق معة مدري يمكن فارق السن الي بيني وبينة لان بيننا 10 سنين او عين والله موعارفة من نتصالح ما تمر ساعة الا رجعنا تخانقنا المهم توني قبل يومين رجعت من الجامعة الساعة 6 المغرب تقريبا وكنت دايخة وتعبانة حدي قالي زوجي روحي نظفي الشقة قلتلة خليها بكرة عندي اوف مارضى المهم رحت نظفت بس عالسريع عشان يسكت بعدين قلتلة ودني السوق مع خواتي دام انت ماترحمني اجل خلاص انا نفس الشي لانه كان توة راجع من الدوام معي قال مني موديك وبعدين تشاددنا بالكلام وسارت سالفة طويلة عريضة مالي مزاج اشرحها المهم انها وصلت لابوي وجا البيت عندنا قام صرخ علي وشرشحني وفشلني قدام زوجي واهلة لاني ساكنة معهم يعني شقتي بنفس البيت والله يابنات كلام قطع قلبي يقول حق زوجي انا بعت وانت شريت وشو انا سلعة شراها حسبنا الله ونعم الوكيل فية ويقول قطعها وجيبها لحم ولا يبغانا انا وخواتي نجي في البيت عندة قال ابي ارتاح منكم انا زوجتكم عشان كل شوي تجون عندي قلت لة خلاص انا ماراح اجي بيتك ابد قالي بالطقاق فكة عساك ما تجين تخيلو يا بنات هو ما يجلس بالبيت بس كذا نحاسة والله اني اكرهة من كل قلبي اقولة يا ابوي قصر صوتك لا يسمعون اهل زوجي يروح يحاسدني ويطول صوتة زيادة كل بيت اهلي يكره امي وخواتي واخواني كل واحد ترك لة ذكرى سئية منه امي المسكينة صابرة على بلاوية وساكتة كل يصرخ عليها ويفشلها قدام الناس واحد من اخواني جاتة حالة نفسية بسببه وحتى اهلة نفسهم ما يحبونة جدتي الي هي امة الله يرحمها ماتت وهي مو راضية علية وهذا والله شي قليل من الي يسوية لنا اتمنى ما اكون طولت عليكم بس قلت افضفض لخواتي عشان يمكن يروح الهم الي بداخلي لان بعد هالسالفة حابسة نفسي بشقتي ولا ابغى اروح لاحد او اشوف احد وادعوا لي الله يصلح بيني وبين زوجي ويخلينا لبعض في امان الله