عزيزتي الغالية لا تهني ولا تحزني
اللي حصللك حصل لكثير غيرك
واولهم انا <<<
بس شنسوي هذي الدنيا
واللحين اهو متزوج وعندة عيال
وانا ملكة وللة الحمد
وبعدين سبحان اللة جنة ربي مو قاسمة لي
تخيلي يضرب زوجتة ويتهاوش معها
وانا وللة الحمد طيب ومديين وحبوب
حبوبة ترا واللة قسمة ونصيب
باجر راح يجيج الاحسن والافضل
( عسا ان تحبوا شيئا وهو شر لكم)
#بشاير#
•
الصفحة الأخيرة
اختي الغالية الزواج قسمه ونصيب ولو نصيبك عند هذا الشخص راح تاخذينه غصب عنه وعنك فاذا كان ربنا قاسمة لك فهو لك مهما صار ولو مهو لك فلو حاولتي مهما حاولتي فهو مهو لك لانه هذا الامر مكتوب على جبينك وجبينه من راح يكون زوجك ومن راح تكون زوجته فأنتي اصبري اختي فربما تغير حال الى حال ثاني ممكن في لحظة يتغير تفكيرة وفجاء ماتدرين الى وهو فاكرك وحطك في بالة فهذاشي ربنا سبحانه وتعالى قاسمة لك وله فمثلا اقولك على حكايت النصيب الي ربنا يكون كتبة لك فانا قبل زواجي كان لنا جيران تعرفنا عليهم عندماسكنا جنبهم وكانو نعم الناس وكان عندهم ولد اكبر مني بحول الخمس سنين هو حط عينة مني وانا بعد ماقصرت اعجبت فية وباخلاقة وبمعاملتة لاخواته وكنت ايامها بعدني مش سن زواج كنت مازلت ادرس بس عاد بنات ونحب مين يقول عننا حلوات ومعجبين المهم خواته دائما يقولون لي بانه راح يجون ويخطبوني وهم بالفعل صادقين وكان عندهم عمة لهم ساكنة شوي بعيد عنهم وكانت دائما تجي يمهم ونشوفها عندهم وكانت انسانة طيبة جدا وكان عندها ولد بسن ولد جارنا وهي جالسة تدور له على عروس وكانت تقول لنا يابنات ماتعرفون بنات مؤدبات حلوات مثلكم لولدي وكنا دائما نقول لها شوفي فلانه تقول لا طيب فلانه كمان تقول لا وعلى كذا يمكن مدة سنة كاملة وانا بالذات دليتها على اربع بنات من معارف لنا المهم جاء يوم وجات جارتنا تخطبني لولدها وكانت امي مبسوطة وجات تقول لي الخبر وانه تبي الرد منها علشان يجون ويتقدمون الرجال رسمي والا فجاء ما ادري الى وانا ابكي بكيت بحرقة شينة جلست امي تسمي علي وتقولي وشف فيك قلت ما ادري حاسة شي مثل الضيقة بصدري قمت وصليت ودعيت ربي واستخرته لمدة يومين وبعدها رحت لاامي وقلت لها ما ابي اتزوج امي زعلت شوي مني وقالت ليه قلت لها ما ادري احس ان هذا الشخص رغم الاعجاب فيه وكنت مستنبة هذا اليوم متى يجي بس الان لا ولاني عارفه ليه هذا الاحساس صدقوني ليه ماني عارفه ليه تغيرت مشاعري بين يوم وليلة المهم الكل انصدم من ردي لان الكل كان حاس باني له وهو لي المهم جلست حوالي خمس شهوربعدهذي الخطبة وصراحة اخواتة كانو لي اعز صديقات يعني ما اخذو مني اي موقف قالو حياتك وانتي حره فيها وهذا زواج وقسمة ونصيب المهم تدرون ايه الي صار عمتهم الي ماخلينا بنت من ربعنا نعرفها الى قلنا لها عنها تقدمت لي لولدها الي دوخنا علشان نحصل له على عروس وهو يقول لا مش هاذي وفجاء اصير انا العروس لانه عندما جات وكلمت امي يعني خطبتني منها جات امي وقالت لي قبل ماتروح وتقول لبوي احلف لكم بالله يابنات مادريت ايش الي صار فيني سكت وحسيت ان قلبي يرجف وهربت يم غرفتي وهذا هو زوجي الله يخليه لي ولا يحرمني منه وعندنا ولد وبنت حلوين الولد يشبهني والبنت تشبه ولجل كذا احبها اكثر هههههه فهذا هو ياخواتي القسمة والنصيب الي ربنا يكتبها لكل بنت ( ارجوكم سامحوني على طول الكلام ) اختكم ام ياسر وريم الله يحفظهم لي .