حسبي الله ب لي يؤذي ضناي

السلام عليكم ورحمة الله وبركاته
طليقي كلم ابوي قبل كم يوم يبغى ياخذ الولد زيارة عندهم
انا رفضت بالبداية بس مع ضغوط اهلي وافقت بشرط انه الزيارة من الظهر للمغرب يعني يستلموه بعد المغرب
لي كان متكفل بهذا الموضوع هو ولد عم طليقي وهو لي تكفل انه الولد بيروح زيارة ل ابوه وبيرجع المغرب وعلى ضمانته
واخوي خذ الولد مع اختي الظهر وانا تميت قاعدة على اعصابي الين رجعه قريب الساعة ١٠ بالليل
اختي لما دخلت المغرب عليهم طردوها وقفلو على الولد بالغرفة
ماطلعوه الا بعد تهديدات والين ولد عمهم سفل بطليقي وهزئه لحد ماعطو الولد ل اختي
رجعوه لي حاله متبهذل من الظهر لليل ما اكل حاجة الله لايوفقهم والولد تعبانة نفسيته منهم ومن شرهم
لكن لي قهرني اكثر انه في عليه كدمات واثار عض اما تاري عمته الله يجعلها طريحة الفراش اذيته بالبيت ومخلية عيال عمه يضربوه
يامال الشلل ان شاء الله
وبكل هالشي ناس ينصحوني بمثالية تافهة لاتحرمين الولد من ابوه وحرام عليكي تحرميه من اهله
شوفو ايش عملوا فيه بزيارة فقط كيف لو عاش عندهم
وربي حابة اشتكي عليهم ببلاغ للعنف الاسري وابهذلهم فيه الله لايوفقهم الله يشغلهم بنفسه
اسفة عالدعوات بس والله من قهري على طفلي لي ماله ذنب