صوت إنسانه @sot_ansanh

كبيرة محررات

حسبي الله تخرب سمعتي وانا ما قدمت لها الا كل خير

السلام عليكم حبيباتي
اكتب وانا راسي يبغى ينفجر
بدخل في الموضوعوابغى شوركم يا اخواتي
انا مسويه ركن كوفيرة في بيتي مكياج ونقش
وازين بنات جيراننا وانقشهن في المناسبات والاعراس بسعر زهيد ومغري
وكانت عندي زبونه دايم تتزين عندي وتنقش والحمدالله بشهاده الجميع شغلي حلو ومرتب
وتحط عندي بضاعتها علشان ابيع لها عطورات وبخور
هالبنت اخذت دورة في المكياج وانا مادريت بها عطتني رقمها وقالت وزعيه على زباينك>>بالعربي تبغى تسرق زبوناتي
وقوليلهم عني اني ابيع حلويات اعراس وماقالت لي عن المكياج
وانا بحسن نيه عطيت بعض زبوناتي رقمها وفتحت محل كوفيرة وحلويات في الحي اللي جنبنا
وجات السنه ذي وناويه على شر كل من سالها عني قالت وعععععع شغلها وسط وغاليه
والله يشهد انها كذوب وانا متغثه واللي غثني اكثر ان خواتها جني البارحه ينقشن ويمدحن بنقشي
بس ماكنت اعرف انها حقيرة لها الدرجه كذا حجز الاسبوع اللي فات ساحبتهم من عندي
حسبي الله ونعم الوكيل
يابنات ادري ان هذا رزق وماراح يجيك الا اللي كاتبه ربي
بس اسلوبها الرخيص قاهرني مرة
مدري شسوي هل ادق عليها اهزئها واخليها تقصر الشر
ولا اطنشها بس في ذي الحاله راح تشوه سمعتي المهنيه
وانا ما صدقت على الله باب اترزق منه
زوجي قال طنشيها وان الناس اللي كذا ربي ماراح يبارك لهم
وللمعلوميه انا حبوبة وماني راعيه مشاكل واخاف من ظلي

ها حبيباتي وش رايكم

يلزم عليك تسجيل الدخول أولًا لكتابة تعليق.

تسجيل دخول

.. تمارا .. • 16 سنة

الله يعينك
مدري ايش أقول
وعشان شغلك
اعملي دعاية لنفسك
منشورات صمميها ووزعيها في الحي
وربنا يسهل لك

الحلــم المهاجــر • 16 سنة

أنصحك تطنشينها والله ياخذ حقك منها
ولا تشيلين هم الرزق
رزقك بيجيك مهما سوت وحاولت تشوه صورتك
الله يوفقك ويكفيك شرها

جوآن الهيلا • 16 سنة

يالغلا طنشيها الرازق في السماء والحاسد في الارض
الله يبارك لك ويوسع رزقك

قصيميه غير • 16 سنة

اختي الغالية..

متأكدة انها قالت عنك كذا؟؟ تأكدي أخاف انك فاهمة غلط..

تعرفين الكلام اذا نقلوه لابد يبهرونه..

لكن بشكل عام..حتى لو كانت قالته وقالت اكثر..أنا رأيي من راي زوجك..

وربي يعطي الواحد على نيته..

قولي حسبي الله ونعم الوكيل..وتأكدي ان رزقك ماياخذه غيرك..

حبر شفاف • 16 سنة

.. تمارا .. :

الله يعينك مدري ايش أقول وعشان شغلك اعملي دعاية لنفسك منشورات صمميها ووزعيها في الحي وربنا يسهل لك

الله يعينك مدري ايش أقول وعشان شغلك اعملي دعاية لنفسك منشورات صمميها ووزعيها في الحي وربنا...

قولي (اللهم اكفنيها بما شئت وكيفما شئت)
وقولي (لاإله انت سبحانك اني كنت من الظلمين)
وكثري من الاستفغار وربي يتولاها